‘हाजार्डलाई क्लब छोड्न रोक्ने छैन’ – चेल्सी प्रशिक्षक सार्री

लन्डन (एजेन्सी)– चेल्सीका मुख्य प्रशिक्षक माउरिजियो सारीले क्लबका उच्च गोलकर्ता इडन हाजार्डलाई क्लब छोड्न चाहेको भए छाडे हुने सल्लाह दिएका छन् । बेल्जियन सुपर स्टारको सम्झौता क्लबसँग अब १८ महिना रहेको छ ।

क्लब भने उनीसँग थप सम्झौताका लागि आतुर छ । तर उनी भने सके सम्म राम्रो अवसरको खोजीमा छन् । उनी खास गरि रियल म्याड्रिड जान चाहेको लामो समयदेखि चर्चा चल्दै आएको छ । यद्दपी चेल्सी भने उनीसँग लामो सम्झौताको पक्षमा छ ।

सार्री पनि हाजार्ड क्लबमै रहुन भन्ने चाहन्छन् । तर, परिस्थिति बदलिएको छ । सारीले भने, ‘उनी २८ वर्षका भए । उनी जान चाहन्छन् भने मलाई लाग्छ उनले जानुपर्दछ ।’

सार्रीले हाजार्डमा युरोपेली खेलाडीमा सबैभन्दा उत्कृष्ट हुने क्षमता रहेको बताएका छन् । ‘उनी कहिले खुसी हुन्छन् । कहिले निराश, उनले भने, मेरो काम उनको क्षमता अनुसारको प्रदर्शन निकाल्ने मेरो प्रयास हुनेछ ।’

हाजार्डले यो सिजन पनि उच्च प्रदर्शन गरिरहेका छन् । उनले प्रिमियर लिगका २२ खेलमा १० गोल गर्नुका साथै १० गोलमा असिस्ट गरेका छन् ।