इटहरी (हाम्रो खेलकुद)– त्रिभुवन आर्मी क्लब मदन भण्डारी इटहरी गोल्ड कप फुटबल प्रतियोगिताको फाइनलमा पुगेको छ । मेची नेत्रालय काकरभिट्टा ट्रेनिङ सेन्टरलाई ४–१ ले हराउँदै आर्मी प्रतियोगिताको उपाधि नजिक पुगेको हो ।

आर्मीको जितमा मिडफिल्डर सन्तोष तामाङ रहे । सन्तोषले गोल गरेको विवेक बस्नेत र कप्तान भरत खवास समान १ गोल गरे । आर्मीले १२ औं मिनेटमा अग्रता लिएको थियो । पेनाल्टी बक्सको बाहिर पाएको फ्रिकिकलाई सन्तोषले प्रहार गर्दा मेचीका रक्षक ओलु सोला कादिरीले रोक्ने क्रममा आत्मघाती गोल गर्दा विभागिय टोलीले अग्रता लिएको थियो ।

सन्तोषले इन्जुरी समयको पहिलो मिनेटमा गोल गर्दै अग्रता दोब्बर पारे । उनले पेनाल्टी बक्स भित्रबाट गोल गरे । खेलाके ५९ औं मिनेटम विवेकले गोल गरे । टंक बस्नेतको क्रसमा भरतले क्रस गरेको बल मेचीक गोलकिपरले रोक्न प्रयार गरे । तर उनी असफल भएपनि रिबाउन्डमा प्राप्त बलमा विवकेले गोल गरेका थिए ।

६१ औं मिनेटमा मेचीका लागिा कप्तान खमिर गिल्स्न कन्दङवाले गोल गरे । दीपेश श्रेष्ठको क्रसमा खमिरले गोल गरेका थिए । इन्जुरी समयमा आर्मीका भरतले गोल गर्दै जितलाई फराकिलो पारेका थिए ।

राष्ट्रिय जागृति क्लबको आयोजनामा जारी प्रतियोगितामा बिहीबार दोस्रो सेमिफाइनलमा सिग्नेचर मनाङ मस्र्याङ्दी क्लब र नेपाल पुलिस क्लबबीच हुनेछ । शनिबार हुने फाइनलको विजेताले उपाधिसहित १६ लाख रुपैयाँ प्राप्त गर्नेछ ।