एजेन्सी – लन्डन क्लब आर्सनलले कार्डिफ सिटीलाई २–१ ले पराजित गर्दै इंग्लिस प्रिमियर लिग फुटबलमा चौथो स्थानमा उक्लिएको छ ।

आर्सनलले म्यानचेस्टर युनाइटेडलाई पछि पार्दै पाँचौ स्थानमा उक्लन सफल भएको हो । युनाइटेड मंगलबार राति नै बर्नलीसँग २–२ गोलको बराबरीमा रोकिएको थियो । आर्सनलले चौथो स्थानमा रहेको चेल्सीसँग अंक बराबरी गरेपनि गोल अन्तरमा पछि परेको हो । आर्सनलको २४ खेलबाट ४७ अंक पुगेको छ । एक खेल कम खेलेको चेल्सीको पनि ४७ अंक नै रहेको छ । युनाइटेड ४५ अंकसहित छैटौ स्थानमा छ ।

आर्सनलाई घरेलु मैदानमा जित दिलाउन पिएरे एमेरिक औवामियाङ र एलेक्जेन्डर लाकाजेटले गोल गरे । कार्डिफका नाथानिल मेन्डिज लाइङले सान्त्वना गोल फर्काए । प्रतिस्पर्धात्मक बनेको खेलको ६६औं मिनेटमा औवामियाङले पेनालटीमार्फत गोल गर्दै आर्सनलाई अग्रता दिलाएका थिए । बाम्वाले एलेक्स इओवीलाई फल गरेपछि आर्सनलले पेनाल्टीको मौका पाएको थियो । जसलाई पिएरेले सदुपयोग गरे ।

८३औं मिनेटमा पिएरेकै पासमा लाकाजेटले गोल गर्दै आर्सनललाई २–० को अग्रता दिलाए । इन्ज्युरी समयको थप गरिएको चौथो मिनेटमा कार्डिफका नाथीनिलले गोल गरेपनि आर्सनल २–१ ले विजयी हुन सफल भयो ।

लिभरपुल ६० अंक जोडेर लिगको शीर्षस्थानमा रहेको छ । ५६ अंकसहित म्यानचेस्टर सिटी दोस्रो तथा ५१ अंक रहेको टोेटेनहम हस्टपर तेस्रो स्थानमा रहेको छ ।