न्युक्यासलसँग म्यानचेस्टर सिटी स्तब्ध

एजेन्सी – इंग्लिस प्रिमियर लिग फुटबलमा म्यानचेस्टर सिटीले न्यु क्यासल युनाइटेडसँग हार बेहोरेको छ । सिटी न्यु क्यासलसँग २–१ ले स्तब्ध बनेको हो ।

घरेलु मैदानमा मंगलबार राति भएको खेलमा सिटीलाई हार चखाउन जोसे सलोमोन रोनडन र माट रिट्चीले गोल गरे । सिटीका सर्जियो अगुएरोले गोल गरे ।

सिटीले खेलको सुरुवाती मिनेटमा बनाएको अग्रता जोगाउन सकेन । खेलको पहिलो मिनेटमा नै अगुएरोले गोल गर्दै सिटीलाई अग्रता दिलाए । ६६औं मिनेटमा जोसे सलोमोनले बराबरी गोल फर्काए । ८०औं मिनेटमा माट रिट्चीले गोल गर्दै न्यु क्यासललाई २–१ को जित दिलाए ।

न्यु क्यासलसँगको हारसँगै सिटीले शीर्ष स्थानमा रहेको लिभरपुलसँगको अंक दुरी छोट्याउने मौका गुमायो । यसको प्रत्यक्ष फाइदा भने लिभरपुललाई पुगेको छ । सिटीको २४ खेलबाट ५६ अंक छ । लिभरपुलसँग ४ अंकले पछि परेको छ । न्यु क्यासल २४ अंक जोडेर १४औं स्थानमा छ ।

प्रिमियर लिगका अन्य खेलका नतिजा
फुलहम विरुद्ध ब्राइटन (४–२)
हडर्सफिल्ड विरुद्ध एभर्टन (०–१)
वल्भ्स विरुद्ध वेस्टह्याम (३–०)
आर्सनल विरुद्ध कार्डिफ (२–१)