जापान एसियन कपको फाइनलमा

एजेन्सी – एसियन पावर हाउस जापान एसियन कप फुटबलको फाइनलमा प्रवेश गरेको छ । जापानले इरानलाई ३–० ले पराजित गर्दै एसियन कपको उपाधिनजिक पुगेको हो ।

संयुक्त अरब इमिरेट्स (युएईं) स्थित हाज्जा विन जायद स्टेडियममा सोमबार राति भएको खेलमा जापानलाई जिताउन युया ओसाकोले २ तथा जिन्की हारागुचीले एक गोल गरे । प्रतिस्पर्धात्मक बनेको खेलको पहिलो हाफमा गोलरहित बराबरीमा सकिएको थियो । तर, दोस्रो हाफमा जापानले उत्कृष्ट प्रदर्शन गर्दै ३ गोल गर्न सफल भयो ।

५६औं मिनेटमा युया ओसाकोको गोलबाट जापानले खेलमा अग्रता बनाएको थियो । युयाले ताकुमी मिनामिनोको पासमा गोल गरेका थिए । ६७औं मिनेटमा युयाले पेनाल्टीमार्फत गोल गर्दै जापानलाई २–० को अग्रता दिलाए । इन्ज्युरी समयको थप गरिएको दोस्रो मिनेटमा ताकुमी मिनामिनोको पासमा जिन्कीले गोल गर्दै ३–० को जित दिलाए ।

अब जापानले उपाधिका लागि कतार र आयोजक युएईंबीचको विजेतासँग १ फ्रेब्रुअरीमा प्रतिस्पर्धा गर्नेछ । कतार र युएईंबीचको खेल मंगलबार राति ७ः४५ बजे हुनेछ ।

जापान एसियन कपको सर्वाधिक सफल टोलीले जापानले चारपटक एसियन कपको उपाधि जितेको छ । जापानले १९९२, २०००, २००४ र २०११ म एसियन कपको उपाधि जितेको थियो ।

जापान एसियन कपको फाइनलमा

Latest News

Popular News

फुटबल

झापामा एनएसएलको ट्रफी प्रदर्शन

३ नयाँसहित राष्ट्रिय फुटबल टोलीको घोषणा

ललितपुरका डिफेन्डर देकिते आइपुगे

चर्चित खेलहरु:

उपयोगी लिङ्कहरू

सम्पर्क

सामाजिक संजाल