बार्सिलोनाको जिरोनाविरुद्ध सहज जित

एजेन्सी – क्याटलान क्लब बार्सिलोनाले स्पेनिस ला लिगा फुटबलमा जिरोनालाई पराजित गरेको छ । बार्सिलोनाले १० खेलाडीमा समेटिएको जिरोनालाई २–० ले पराजित गरेको हो ।

जिरोनाको मैदानमा आइतबार राति भएको खेलमा बार्सिलोनालाई जिताउन नेलसन सिमेडो र कप्तान लियोनेल मेस्सीले गोल गरे । दुई गोल पहिलो र दोस्रो हाफमा सम्भव भएको थियो ।

नेल्सन सिमेडोको गोलबाट बार्सिलोनाले खेलको नवौं मिनेटमा अग्रता बनाएको थियो । इभान राकिटिकले क्रस गरेको बललाई सिमेडोले गोलमा परिणत गरेका थिए ।

बार्सिलोनालाई दोस्रो हाफको सुरुमै फाइदा भयो । ५१औं मिनेटमा जिरोनाका बर्नाडो दोहोरो पँहेलो कार्ड खादै मैदान बाहिरिएपछि बार्सिलोनाको त्यसको फाइदा उठायो । ६८औं मिनेटमा जोडी अल्वाको पासमा कप्तान लियोनेल मेस्सीले गोल गर्दै बार्सिलोनालाई २–० को जित सुनिश्चित गरे । उनले गोलरक्षकलाई उत्कृष्ट चिप प्रहार गर्दै गोल गरेका थिए ।

जितसँगै बार्सिलोनाले शीर्षस्थानमा पाँच अंकको अग्रता बनाएको छ । बार्सिलोनाको २१ खेलबाट ४९ अंक पुगेको छ । समान खेलबाटै बार्सिलोनालाई पछ्याइरहेको एट्लेटिको मड्रिडको ४४ अंक रहेको छ । जिरोना २४ अंक जोडेर १३औं स्थानमा छ ।

बार्सिलोनाको जिरोनाविरुद्ध सहज जित

Latest News

Popular News

फुटबल

झापामा एनएसएलको ट्रफी प्रदर्शन

३ नयाँसहित राष्ट्रिय फुटबल टोलीको घोषणा

ललितपुरका डिफेन्डर देकिते आइपुगे

चर्चित खेलहरु:

उपयोगी लिङ्कहरू

सम्पर्क

सामाजिक संजाल