एजेन्सी – म्यानचेस्टर सिटी एफए कपको पाँचौ चरणका प्रवेश गरेको छ । प्रिमियर लिग प्रतिद्धन्द्धी बर्नलीको चुनौती ५–० ले पन्छाउदै सिटी एफए कपको पाँचौ चरणमा पुग्न सफल भएको हो ।

घरेलु मैदान इतिहाद स्टेडियममा शनिबार भएको खेलमा सिटीलाई जिताउन पाँच खेलाडीले गोल गरे । एक गोल उपहार पाएको थियो । पहिलो हाफमा १–० को अग्रता बनाएको सिटीले दोस्रो हाफमा चार गोल थप्यो ।
२३औं मिनेटमा डानिलोको पासमा गाब्रियल जेससको गोलबाट सिटीले खेलमा अग्रता बनाएको थियो । ५२औं मिनेटमा केभिन डि ब्रुयनको पासमा बर्नाडो सिल्भाले गोल गर्दै सिटीको अग्रता दोब्बर बनायो । ६१औं मिनेटमा केभिनले रियाद महारजेको पासमा गोल गर्दै सिटीलाई ३–० को अग्रता दिलाए ।

७३औं मिनेटमा केभिन लङले आत्मघाती गोल गरेपछि सिटीले खेलमा ४–० को आरामदायी अग्रता बनायो । खेल सकिन ५ मिनेट बाँकी रहँदा वैकल्पिक खेलाडीको रुपमा मैद्यान प्रवेश गरेका सर्जियो अग्विरोले पेनाल्टीमार्फ गोल गर्दै सिटीलाई ५–० को फराकिलो जित दिलाए ।

एफए कपका अन्य नतिजाहरु
एकरिन्टन स्टेन्ली विरुछ डर्वी काउन्टी (०–१)
स्वान्सी सिटी विरुद्ध गिल्लिङघम (४–१)
मिडल्सवर्ग विरुद्ध न्य पोर्ट काउन्टी (१–१)
पोर्टस्माउथ विरुद्ध क्वीन्स पार्क रेन्जर्स (१–१)
ब्राइटन विरुद्ध वेस्ट ब्रोमविच अल्वियोन (०–०)
न्यु क्यासल विरुद्ध वाटफोर्ड (०–२)
स्रेसवरी टाउन विरुद्ध वल्भ्स (२–२)
डनकास्टर रोभर्स विरुद्ध ओल्डह्याम एथलेटिक (२–१)