सुनिल गाउँले
सिमरा – रुस्लान थ्री स्टार क्लब पहिलो पटक रुस्लान सिमरा गोल्डकप फुटबल प्रतियोगिताको उपाधि जितेको छ । त्रिभुवन आर्मी क्लबलाई सडन डेथमा हराउँदै थ्री स्टार पहिलो पटक सिमरा गोल्डकपको च्याम्पियन बनेको हो ।

१० औं संस्करणमा आइपुग्दा पहिलो पटक थ्री स्टार विजेता बन्न सफल भएको हो । सिमरा रंगशालामा निर्धारित ९० मिनेटको खेल गोलरहित बराबरीमा टुंगिएपछि खेल टाइब्रेकरमा गएको थियो । टाइब्रेकरमा पनि बराबरीपछि सडन डेथमा ७–६ ले थ्री स्टार विजयी भएको थियो ।

पेनाल्टी सुटआउटमा थ्री स्टारका गोलकिपर एलन न्यौपानेको प्रदर्शन उत्कृष्ट रह्यो । उनकै खेलको म्यान अफ दी म्याच घोषित भए र १० हजार रुपैयाँ प्राप्त गरे । ६–६ को अवस्थाबाट थ्री स्टारका रञ्जन विष्टको पेनाल्टी निर्णायक बनेको थियो ।

त्यसअघि आर्मीका सुमन अर्यालको प्रहारलाई थ्री स्टारका गोलकिपर एलन न्यौपानेले जोगाएका थिए । एलेनले सुमनसहित ३ खेलाडीको पेनाल्टी रोके । सुरुको नियमित ५ पेनाल्टीमा ४–४ को बराबरी भएको थियो । जसमा आर्मीका दीप लामा, विवेक बस्नेत, भरत खवास र सन्तोष तामाङले गोल गरे । गोलकिपर विकेश कुथुको प्रहारलाई एलेनले रोके ।

त्यस्तै थ्री स्टारका ५ पेनाल्टीमा रुपेश केसी, रञ्जित धिमाल, विक्रम लामा र अनन्त तामाङले गोल गरे । सुनिल विकको पेनाल्टी विकेशले रोके । सडन डेथमा आर्मीका विकास तामाङ र विकास खवास गोल गर्न सफल भए ।

एलनले सुमन आर्याल अघि दीपक गुरुङको पेनाल्टी रोके । थ्री स्टारका दीनेश राजवंशीको प्रहारलाई आर्मीका गोलकिपर विकेशले रोके । तर रञ्जन अघि सुनिल राई र फोफाना फोडे गोल गर्न सफल भए ।

आर्मी तेस्रो पटक सिमरा गोल्ड कप जित्नबाट चुकेको छ । गत वर्ष थ्री स्टारलाई हराएर आर्मीले उपाधि जितेको थियो । अब यी दुई टोलीबीच सोमबार मदन भण्डारी इटहरी गोल्डकपको क्वार्टरफाइनलमा प्रतिस्पर्धा हुनेछ ।

गत साता थ्री स्टार सुदूरपश्चिम खप्तड गोल्डकप फुटबल प्रतियोगिताको फाइनलमा नेपाल पुलिस क्लबसँग पराजित भएको थियो । सिमरा गोल्डकपको विजेता थ्री स्टारले उपाधिसहित ६ लाख र आर्मीले ३ लाख रुपैयाँ प्राप्त गरेको छ ।

सिमरा गोल्डकपका हाल सम्मका विजेतारउपविजेता
प्रथम संस्करण, २०६६( मजदुर शहिद स्मृति क्लबरगोर्खा व्वाइज बुटवल
दोश्रो संस्करण, २०६७( हिमालयन शेर्पा क्लबरएपिएफ
तेश्रो संस्करण, २०६८( मनाङ मस्र्याङदी क्लबरसहारा क्लब पोखरा
चौथो संस्करण, २०६९( मनाङ मस्र्याङदी क्लबरहिमालयन शेर्पा क्लब
पाँचौ संस्करण, २०७०( नवजनजागृति यूवा क्लब सिमरारवीरगञ्ज यूनाइटेड
छैठौं संस्करण, २०७१( त्रिभुवन आर्मी क्लबरनेपाल पुलिस क्लब
सातौं संस्करण, २०७२( विजय युथ क्लब हेटौंडाररुपन्देही ११
आठौं संस्करण, २०७३( सिएमजी संकटा क्लबरत्रिभूवन आर्मी क्लब
नवौं संस्करण, २०७४( त्रिभुवन आर्मी क्लबरथ्रीस्टार क्लब
दसौं संस्करण २०७५ थ्री स्टार र त्रिभुवन आर्मी