6 years ago
January 25, 2019
एजेन्सी – एसियाको हेभीवेट टोली दक्षिण कोरियालाई पराजित गर्दै कतार एएफसी एसियन कपको सेमिफाइनलमा प्रवेश गरेको छ । जाएद स्पोर्ट्स सिटी रंगशालामा कतार १-० ले विजयी हुँदै पहिलोपटक सेमिफाइनल पुगेको हो ।
कतारको जितमा ७८ औं मिनेटको गोल नै निर्णायक सावित भयो । कतारका लागि अब्दुलाजिज हातेमले ३० यार्ड टाढाबाट गरेको शक्तिशाली प्रहार गोलमा परिणत भएको थियो । कोरियाली स्टार ह्युङ मिन सनको नेतृत्वमा रहेको दक्षिण कोरियाले पहिलो हाफमा एकतर्फी दबाब दिएपनि गोल गर्न नसक्दा खेल गोलरहित बराबरीमा अड्किएको थियो ।
दोस्रो हाफमा पनि कोरियाले अवसर सदुपयोग गर्न नसक्दा कतारले अग्रता लिएको थियो । कतारले अग्रता लिएलगत्तै कोरियाका ह्वाङ उइ-जोले गोल गरेपनि रेफ्रीले त्यसलाई अफसाइडको निर्णय दिएका थिए ।
कतारले अब सेमिफाइनलमा अष्ट्रेलिया र अयोअजक यूएईबीचको खेलको विजेतासँग खेल्नेछ । कतारले जारी प्रतियोगितामा लगातार ५ खेलमा जित दर्ता गर्ने क्रममा १२ गोल गर्दै कुनै गोल खाएको छैन ।
February 6, 2025
पोखरा (हाम्रो खेलकुद)- पोखरामा २४ औं आहा!रारा पोखरा गोल्डकप र धरानमा २५ औं बुढासुब्बा गोल्डकप फुटबल प्रतियोगिता जारी छ। सहिद स्मारक ए डिभिजन लिग विजेता चर्च ब्वाइज युनाइटेड र न्यु रोड टिम (एनआरटी) ले आहा र बुढासुब्बा दुवै प्रतियोगिता सहभागी छ । चर्च ब्वाइज बुधवार विजयी हुँदै बुढासुब्बाको फाइनल पुगेको थियो। आज आहामा चर्च ब्वाइज […]
February 6, 2025
एजेन्सी – आर्सनल इंग्लिस फुटबल लिग कपबाट बाहिरिएको छ । न्युक्यासलसँग बुधवार दोस्रो लेगमा २-० को हार बेहोरेसँगै आर्सनल लिग कपबाट बाहिरिएको हो । पहिलो लेगमा पनि २-० ले पराजित आर्सनल समग्रमा ४-० पछि रह्यो । दोस्रो लेगमा न्युक्यासलको जितमा जाकोब मर्फी र एन्थनी गोर्डोनले गोल गरे। १९औं मिनेटमा मर्फीको गोलबाट न्युक्यासलले अग्रता लियो। ५२औं […]
February 6, 2025
एजेन्सी – गोन्जालो गार्सियाले इन्ज्युरी समय निर्णायक गोल गरेपछि रियल म्याड्रिड कोपा डेल रेको सेमिफाइनल पुगेको छ। लेगानेसलाई बुधवार दोस्रो क्वाटरफाइनलमा ३-२ ले हराउँदै रियल अन्तिम चारमा पुगेको हो। गार्सियाअघि रियलका लागि लुका मोड्रिच, एन्ड्रिकले गोल गरे । लेगानेसका लागि दुवै गोल हुवाँ कुजले गरे । घरेलुु मैदानमा २-० ले पछि परेको अवस्थाबाट लेगानेसले २-२ […]
