बार्सिलोना (एजेन्सी)– फिलिपो काउटिन्हो प्रिमियर लिग टोली म्यानचेस्टर युनाइटेड वा चेल्सी जाने चर्चा हल्ला मात्र भएको क्लबनिकट रहेका गुइलियम बालाग्युले बताएका छन् । बार्सिलोना पनि काउटिन्हो जाउन भन्ने पक्षमा नरहेको बताइएको छ ।

अघिल्लो जनवरीमा लिभरपुलबाट बार्सिलोना पुगेपनि काउटिन्होले सोचे अनुरुपको प्रदर्शन गर्न सकेका छैनन् । यो सिजन २७ खेल खेल्ने क्रममा उनले ६ गोल मात्र गरेका छन् ।

स्पेनमा संघर्ष गर्नु र धेरैले बार्सिलोना छाड्ने चर्चा गरेका काण पनि उनी प्रिमियर लिग फर्कने अनुमान गरिएको छ । तर बालाग्युले भने ब्राजिलियन स्टारले आफ्नो लय पकड्नेमा बार्सिलोना आशावादी रहेको बताएका छन् ।

‘बार्सिलोना उनलाई गुमाउन चाहदैन । कत्ति पनि चाहदैन । उनीहरु काउन्टिहोलाई विक्रि गर्ने प्रस्तावबाट खुसी हुँदैनन्, ‘उनले भने,’ अहिलेको समयमा उनी महत्वपूर्ण खेलाडी हुन् । डेम्बेले घाइते छन् । मात्र यत्ति हो, अहिले उनीबाट उच्च प्रदर्शन भइरहेको छैन । तर, उनी लयमा फर्कनेमा क्लब आशावादी छन् । ‘

‘इंग्लिस प्रेसबाट धेरै खाले कथा आइरहेको छ । उनलाई कहिले युनाइटेडमा त कहिले चेल्सीमा जाने भन्ने हल्ला छ । स्पेनमा भने त्यसको केहि चर्चा आएको छैन,’ बालाग्युले भने, ‘यस्तो अनुमान गर्न सकिन छैन । केहि संचारमध्यम कोउटिन्होलाई दबाबमा पार्न चाहान्छन् । ‘