न्यूयोर्क (एजेन्सी)– म्यानचेस्टर युनाइटेडका मिडफिल्डर पाउल पोग्बाले पूर्व प्रशिक्षक जोसे माउरिन्होको मताहतमा रहँदा सहज महसुस नगरेको ज्याटान इब्राहिमोभिचले बताएका छन् ।

२९ वर्षयता प्रिमियर लिगमा यो सिजन युनाइटेडले कमजोर सुरुवात गरेपछि माउरिन्होलाई बर्खास्त गरेके थियो । माउरिन्होले क्लब सम्हाल्दा पाग्बाले उच्च प्रदर्शन गर्न संघर्ष गर्नुपरेको थियो ।

तर, माउरिन्होको बर्हिगमन र नयाँ कार्यवहाक प्रशिक्षक को आगमन सँगै पोग्बाले उच्च प्रदर्शन गर्दै आएका छन् । जसका कारण युनाइटेडले पछिल्लो ७ खेल लगातार जितेको छ । माउरिन्होको कार्यकालमा पोग्बासँगै खेलका युनाइटेडका पूर्व स्ट्राइकर इब्राहिमोभिचले अहिले पोग्बा निकै खुसी रहेको र माउरिन्होको समयमा भन्दा निकै स्वतन्त्रपूर्वक खेल्न पाएको महसुस गरेको बताए ।

‘कतिपय खेलाडी स्वतन्त्र भएर खेल्न चाहन्छन् । उनीहरु आफ्नो क्षमता अनुसारको प्रदर्शन गर्नका लागि स्वतन्त्रता चाहन्छन् , ३७ वर्षे इब्राहिमोभिचले भने,‘ माउरिन्हो ट्याकटिसमा माहिर छन् । तर, केहि खेलाडी आफुलाई प्रशिक्षकको निर्देशनमा मात्र सिमित राख्दैनन् । त्यसले ती खेलाडीलाई केहि स्वतन्त्रता दिनुपर्दछ । पोग्बा तीनै खेलाडीमा पर्छन् ।’

माउरिन्होको प्रशिक्षणमा पोग्बाले मनोबल उच्च राख्न नसकेको उल्लेख गर्दै इब्राहिमोचिले माउरिन्हो पनि पोग्बा प्रति पूर्व रुपमा विश्वस्त हुन नसकेको बताए । ‘ प्रशिक्षकका तर्फबाट मनोबल उच्च बनाउने प्रयास भएन भने खेलाडीले राम्रो प्रदर्शन गर्न सक्दैन । त्यति बेला खेल्ने जोश, आत्मबल रहँदैन,’ उनले भने,‘ सायद पोग्बाबाट माउरिन्होले पनि त्यस्तै अनुभव गरे । यस्तो फुटबलमा हुन्छ । मलाई लाग्छ सबै मान्छे सबैसँग सहज हुन सक्दैनन् ।’

उनले पोग्बालाई स्वतन्त्रता दिनुपर्नेमा जोड दिए । ‘पोग्बा खुसी देखिन्छन् । उनी जे चाहन्छन् त्यो गर्न स्वतन्त्र छन् । जसले सकारात्मक प्रभाव पनि परिरहेको छ,’ इब्राहिमोभिचले थे,‘ अहिले उनीमा नयाँ जोश देखिएको छ । पोग्बा कस्तो खेलाडी हुन् भन्ने पछिल्लो समय देखिएको छ ।’