एजेन्सी – इंग्लिस क्लब टोटेनहम हट्स्परका फरवार्ड ह्यारी केन चोटका कारण दुई महिना मैदान बाहिर रहने भएका छन् ।

प्रिमियर लिग अन्तर्गत आइतबार म्यानचेस्टर युनाइटेडविरुद्धको खेलमा एंकलमा चोट बोकेपछि केन करिव २ महिना मैदान बाहिर रहने क्लबले जनाएको छ । उनी मार्चमा मात्रै प्रशिक्षणमा फर्कने क्लबले जनाएको छ ।

‘केनले एंकलको लिगामेन्टमा चोट बोकेका छन् । उनी अब मार्चमा मात्रै उपलब्ध हुनेछन्,’ क्लबले मंगलबार जारी गरेको विज्ञप्तिमा उल्लेख छ । म्यानचेस्टर युनाइटेडसँग १–० ले पराजित भएको खेलको अन्तिम समयमा केन फिल जोन्सको ट्याकलमा परेका थिए ।

केनको चोटसँगै टोटेनहमलाई प्रत्यक्ष असर परेको छ । अर्का फरवार्ड ह्युङ मिन सन पनि टोटेनहमको टिममा रहने छैनन् । उनी एसियन कपमा व्यस्त रहनेछन् ।

चोट बोकेसँगै केनले १३ महत्वपूर्ण खेलहरु गुमाउने छन् । केनले च्याम्पियन्स लिगको बोरुसिया डर्टमन्ड विरुद्धको दुवै लेग र कारबाओ कपमा चेल्सीविरुद्धको सेमिफाइनलसमेत गुमाउनेछन् ।

केनले गुमाउने खेलहरु:
जनवरी
२० जनवरी फुलहम (प्रिमियर लिग)
२४ जनवरी चेल्सी (कारवाओ कप सेमिफाइनल दोस्रो लेग)
२७ जनवरी क्रिस्टल प्यालेस (एफए कप चौथो चरण)
३० जनवरी वाट्फार्ड (प्रिमियर लिग)

फेब्रुवरी
२ फेब्रुवरी न्यु क्यासल (प्रिमियर लिग)
१० फेब्रुवरी लेस्टर सिटी (प्रिमियर लिग)
१३ फेब्रुवरी बोरुसिया डर्टमन्ड (च्याम्पियन्स लिग प्रि–क्वाटर, पहिलो लेग)
१६/१७ फेब्रुवरी (सम्भावित एफए कपको पाँचौ चरण)
२३ फेब्रुवरी बर्नली (प्रिमियर लिग)
२४ फेब्रुवरी (सम्भावित कारवाओ कप फाइनल)
२७ फेब्रुवरी चेल्सी (प्रिमियर लिग)

मार्च
२ मार्च आर्सनल (प्रिमियर लिग)
५ मार्च बोरुसिया डर्टमन्ड (च्याम्पियन्स लिग प्रि–क्वाटर, दोस्रो लेग)