म्यानचेस्टर (एजेन्सी)– म्यानचेस्टर युनाइटेडले प्रशिक्षक जोसे माउरिन्होलाई बर्खास्त गरेको छ । खराब फर्मबाट गुज्रिरहेको युनाइटेड प्रिमियर लिगमा आइतबार लिभरपुलसँग ३–१ ले पराजित भएको थियो । प्रिमियर लिगका पछिल्ला ६ खेलमा युनाइटेडले एक खेलमात्र जित्न सकेको थियो ।

लिगको छैटौं स्थानमा रहेको युनाइटेड छैटौं स्थानमा छ । शीर्ष ४ मा रहेको टोलीको भन्दा ११ अंक पछि रहेको युनाइटेडका लिभरपुलभन्दा १९ अंकले पछाडि छ । ‘तत्काल लागु हुने गरि माउरिन्होले क्लब छाडेका छन्’ , युनाइटेडले जारी गरेको विज्ञप्तीमा भनिएको छ ,’ क्लब उनलाई धन्यवाद दिनै उज्वल भविष्यको कामना गर्दछ । ‘

युनाइटेडले यो सिजनको अन्त्यसम्म कार्यवहाक प्रशिक्षक नियुक्त गर्ने सम्भावना छ । सन् २०१६ मा माउरिन्होले युनाइटेडको कमान सम्हालेका थिए । त्यसअघि चेल्सीलाइ ३ प्रिमियर लिग उपाधि दिलाएका माउरिन्होले इन्टर मिलानलाई पनि तीन उपाधि दिलाएका थिए । त्यस्तै रियल म्याड्रिडलाई पनि उनले ला लिगा उपाधि दिलाएका थिए ।

५५ वर्षीय माउरिन्होले ओल्ड ट्राफोर्डमा हुँदा लिग कप र युरोपा लिग जिताएका थिए । तर, यो सिजन युुनाइटेडले निकै खराव प्रर्दशन गरेको छ । लिगको छैटौ स्थानमा रहेको युनाइटेड शीर्षस्थानको लिभरपुल भन्दा १९ अंकले पछि छ ।

तीन वर्षअघि चेल्सीले पनि लगातारको खराब प्रदर्शनपछि माउरिन्होलाई डिसेम्बर १७ को दिन बर्खास्त गरेको थियो । युनाइटेडले उनको विकल्प खोजिसकेको छैन ।