काठमाडौं (हाम्रो खेलकुद) – हिमालयन शेर्पा क्लबले पल्सर सहिद स्मारक ए डिभिजन लिगअन्तर्गत न्यू रोड टिम (एनआरटी) विरुद्ध १-० को जित दर्ता गरेको छ । विंगर विश्वास श्रेष्ठले पहिलो हाफको अन्तिम मिनेटमा गरेको गोल नै निर्णायक सावित भयो ।

विश्वासले एकल प्रयासमा दुई डिफेन्डरलाई छक्याउँदै पेनाल्टी क्षेत्रको बायाँभागबाट गरेको प्रहार गोलरक्षक अजित प्रजापतिलाई बिट गर्दै पोस्टमा छिरेको थियो । त्यसअघि पनि विश्वासले गरेको सोहि किसिमको प्रहारले पोस्टको दिशा लिन सकेको थिएन ।

३० औं मिनेटमा शेर्पाका ड्याडी वाम्बाको शक्तिशाली प्रहार पोस्टभन्दा बाहिर जाँदा ४२ औं मिनेटमा कर्ण लिम्बूको हेडरले पोस्टको दिशा लिन सकेन । त्यसअघि २७ औं मिनेटमा एनआरटीका बालगोपाल साहुखलको हेडर पनि बाहिरिएको थियो ।

दोस्रो हाफको ६२ औं मिनेटमा गाेलरक्षक अघि बढेकाे अवस्थामा विश्वासकाे पासमा अासिष गुरुङकाे प्रहार डिफेन्डरलाई लाग्दै दाेस्राे बारबाट बाहिरियाे । ७०अाैं मिनेटमा शेर्पाका ड्याडी वाम्बाकाे बक्सभित्रकाे प्रहार अाकासियाे । ७७अाैं मिनेटमा एनआरटीका अशाेक थापाकाे प्रहार शेर्पामा गाेलरक्षक किशाेर गिरीकाे हातबाट बारमा लाग्दै बाहिरियाे ।

यस जितसँगै शेर्पाले ९ खेलमा ४ जित, २ बराबरी र ३ हारसँगै १४ अंक जोड्न सफल भएको छ । एनआरटी भने लगातार आठौं हारसँगै लिगको पुछारमा अड्किएको छ ।

खेलको तस्बिर: