एजेन्सी – लन्डन क्लब चेल्सीले इंग्लिस प्रिमियर लिग फुटबलमा ब्राइटन होभ अल्वियोनलाई उसकै मैदानमा २–१ ले पराजित गर्दा अर्काे लन्डन क्लब आर्सनल साउथह्याम्टनसँग ३–२ ले स्तब्ध भएको छ ।

आइतबार भएको खेलमा चेल्सीलाई जिताउन पेड्रो रोड्रिग्वेज र इडेन हाजार्डले गोल गरे । घरेलु टोलीका लागि सोली मार्चले एक गोल गरे ।
चेल्सीले खेलको १७औं मिनेटमा पेड्रोको गोलबाट अग्रता बनाएको थियो ।

पेड्रोले इडेन हाजार्डको पासलाई गोल गर्दै घरेलु टोलीलाई सुरुवाती अग्रता दिलाएका थिए । ३३औं मिनेटमा इडेन हाजार्डले गोल गरेपछि चेल्सीले खेलमा २–० को अग्रता बनायो । उनले विलियनको पासलाई सदुपयोग गरेका थिए ।

पहिलो हाफमा २–० ले अघि बढेको चेल्सीले ६६औं मिनेटमा गोल खान पुग्यो । घरेलु टोलीका लागि सोली मार्चले बर्नाडोको पासमा सदुपयोग गर्दै खेललाई २–१ के अवस्थामा ल्याएका थिए । त्यसपछि थप गोल निस्कन नसक्दा चेल्सी २–० ले विजयी हुन सफल भयो ।

जितसँगै चेल्सी ३७ अंक जोडेर चौथो स्थानमा यथावत छ । पराजित ब्राइटन २१ अंक जोडेर १३औं स्थानमा छ ।

आइतबारै भएको प्रतिस्पर्धात्मक खेलमा आर्सनल साउथह्याम्टनसँग ३–२ ले स्तब्ध बनेको हो । साउथह्याम्टनको जितमा ड्यानी इङ्सले २ तथा चार्ली अस्टिनले एक गोल गरे । आर्सनलका हेनरिक मिखटारियनले दुई गोल गरेपनि टिमलाई हारबाट बचाउन सकेन ।

२०औं मिनेटमा ड्यानीले गोल गरेपछि आर्सनल खेलमा पछि परेको थियो । तर, त्यसको आठ मिनेटपछि नै आर्सनलका हेनरिक मिखटारियनले बराबरी गोल फर्काएका थिए ।

४४औं मिनेटमा ड्यानीले टिम तथा व्यक्तिगत दोस्रो गोल गर्दा आर्सनल पहिलो हाफमा २–१ ले पछि परेको थियो । ५३औं मिनेटमा हेनरिकले अर्काे गोल गरेपछि खेल २–२ गोलको बराबरीमा पुगेको थियो । खेल सकिन ५ मिनेट बाँकी रहँदा चार्लीले गोल गरेपछि आर्सनल घरेलुु टोलीसँग ३–२ ले स्तब्ध भयो ।

हारसँगै आर्सनलले चौथो स्थानमा रहेको चेल्सीसँगको अंक बराबरी गर्ने मौका गुमाएको छ । आर्सनलको १७ खेलबाट ३४ अंक छ । आर्सनललाई पराजित गरेको साउथह्याम्टन १२ अंकसहित रेलिगेसन जोनभन्दा १ साथ माथि उक्लिएको छ ।