काठमाडौं (हाम्रो खेलकुद) – नेपाल पुलिस क्लबले पल्सर सहिद स्मारक ए डिभिजन लिगमा चौथो जित दर्ता गरेको छ । आठौं चरणअन्तर्गत शुक्रबार भएको खेलमा पुलिसले फ्रेन्सड् क्लबमाथि ५–० को फराकिलो जित हासिल गरेको छ । जारी लिगमा यो फराकिलो अन्तरको हार जित हो । 

यसअघिको फराकिलो हार जितमा त्रिभुवन आर्मी क्लबले सिएमजी क्लब संकटा र रुस्लान थ्री स्टार क्लबले ब्रिगेड ब्वाइज क्लबले समान ५–१ ले हराएको थियो ।

पुलिसको जितमा अभिषेक रिजाल, रवि पासवान, भरत शाह , तेज तामाङ र नीरकुमार राईले गोल गरेका थिए । सातदोबाटोस्थित एन्फा कम्प्लेक्समा  चौथो मिनेटमा रविको क्रसमा अभिषेकले अग्रता लिएका थिए । रविले ३१ औं मिनेटमा गोल गर्दै अग्रता दोब्बर पारेका थिए ।

हेम तामाङको पासमा रविले गोल गरेका थिए । भरतले ५९ औं र तेजले ६२ औं मिनेटमा गोल गरेका थिए । नीरकुमार राईले खेल सकिन ३ मिनेट बाँकी रहँदा गोल थपेका थिए । आठौं खेलमा पुलिसको यो चौथो जित हो । टोलीले दुई खेलमा बराबरी र २ खेलमा हार बेहोरेको छ ।

पुलिसका रवि खेलको म्यान अफ दी म्याच घोषित भए । आठौं खेलमा फ्रेन्डस्को यो छैटौं हार हो । एक खेल जितेको फ्रेन्ड्सले दुई खेलमा बराबरी खेलको छ । लिगमा आज बलिया दुई टोली सिग्नेचर मनाङ मस्र्याङ्दी क्लब र त्रिभुवन आर्मी क्लबबीच प्रतिस्पर्ध हुनेछ ।