मड्रिड (एजेन्सी) – डिफेन्डिङ च्याम्पियन स्पेनिस जाइन्ट रियल मड्रिडले युइएफए च्याम्पियन्स लिग फुटबलमा आज राति रसियन क्लब सिएसकेए मस्कोसँग प्रतिस्पर्धा गर्दैछ । खेल नेपाली समयअनुसार राति ११ः४० बजे रियलको घरेलु मैदानमा हुनेछ ।

च्याम्पियन्स लिगको प्रि–क्वाटरफाइनलमा स्थान बनाइसकेको रियल मस्कोलाई पराजित गर्दै समूहमा सुखद अन्त्य गर्न चाहन्छ । मस्को भने प्रतियोगिताबाट बाहिरिसकेको छ । समूहको पहिलो खेलमा रियल मस्कोसँग १–० ले स्तब्ध भएको थियो । स्पेनिस ला लिगमा खराव प्रदर्शन गरेपनि सम्हालिएको प्रर्दशन गर्दै आएको रियलले च्याम्पियन्स लिगमा भने उच्च प्रदर्शन गर्दै आएको छ ।

तर, समुहको दोस्रो खेलमा रियल मस्कोसँग स्तब्ध बनेको थियो । जुन समूह चरणमा रियलको ३८ खेलमध्ये पाँचौ हार थियो । त्यसपछिको बाँकी तीन खेलमा भने रियलले सहज जित निकालेको थियो । रियल सोही हारलाई बदला लिने लक्ष्यसहित मैदान उत्रनेछ । घरेलु टोली रियल मस्कोविरुद्ध मैदान उत्रदा चोटको पनि पिरलो हुनेछ । मिडफिल्डर टोनी क्रुस, क्यासमिरो र नाचो फर्नान्डेजले मस्को विरुद्धको खेल गुमाउनेछ । तर, रियलसँग ग्यारेथ बेल, करिम बेन्जेमा, भेनेसियस जुनियर, लुका मोड्रिच र मार्काे एसेन्सिायो जस्ता खेलाडीहरु हुनेछन् ।

यता, समूह चरणबाट बाहिरिसकेको सिएसकेए मस्को रियललाई उसकै मैदानमा पराजित गर्दै सान्त्वना जित निकाल्न चहान्छ ।
यही समूह ‘जी’ को अर्काे खेलमा एएस रोमाले रुसी क्लब भिक्टोरिया प्लेजेनसँग खेल्दैछ । रोमा दोस्रो चरणमा प्रवेश गरिसकेको छ । भने भिक्टोरिया प्लेजेन समूह चरणबाटै बाहिरिसकेको छ ।