पेरिस (एजेन्सी)– पेरिस सेन्ट जर्मेन (पिएसजी) का स्टार केलियन एमबाप्पेले पछिल्लो दिनमा टोलीका सहकर्मी अर्को स्टार नेयमारसँगको सम्बन्ध सुधार भईरहेको बताएका छन् । दुई सुपर स्टारबीच तिक्तता रहेको कतिपय समाचारमा उल्लेख गरिएको थियो । यहाँ सम्मकी ड्रसिङ रुपमा पनि यी दुई टोलीले एकअर्कालाई हर्थेनन् ।

फ्रान्सेली एउटा पत्रिकाले पिएसजीले फाइनान्सियल फेयर प्लेका कारण पनि दुई स्टार मध्य एकलाई विक्री गर्न चाहेको छ । तर पिएसजीले भने त्यो रिर्पोटलाई अस्वीकार गरेको थियो । चोट कारण नेयरमार लिग १ को पछिल्ला खेल खेलेका थिएनन् ।

डिसेम्बर २ मा भएको त्यो खेलमा पिएसजीले बोर्डेक्ससँग २–२ को बराबरी खेलेको थियो । ब्राजिलियन अन्तर्राष्ट्रिय आज हुने च्याम्पियन्स लिगअन्तर्गत समूहको अन्तिम खेलमा उत्रनेछन् । एमबाप्पेले नेयमारसँगको मैदानमा सम्बन्ध थप मजबुद भइरहेको बताएका छन् ।

‘हामी मैदानमा कस्तो खेल्न सक्छौं भन्ने आउने दिनमा अझै देखिनेछ,’ रेड स्टार बेलग्रेडसँगको खेल अघि एमबाप्पले भनेका छन्, ‘नेयमारसँगको सम्बन्ध थप राम्रो हुँदै गइरहेको छ । च्याम्पियन्स लिग समूह चरणको अन्तिम खेलमा त्यो देखिनेछ र हामी जित्नेछौं ।’

पाँच खेलको समाप्तीमा शीर्षस्थानमा रहेको नेपोलीको ९, पिएसजीको ८, लिभरपुलको ६ अंक छ । पुछारमा रहेको रेड स्टारले ४ अंक जोडेको छ । आजको खेल जितेमा पिएसजी च्याम्पियन्स लिगको अन्तिम १६ मा पुग्नेछ ।