6 years ago
December 11, 2018
एजेन्सी (क्याटलान) – युइएफए च्याम्पियन्स लिग फुटबलमा सोमबार राति स्पेनिस क्लब बार्सिलोनाले घरेलु मैदानमा इंग्लिस क्लब टोटेनहम हस्टपरको आतिथ्यता गर्दैछ । खेल नेपाली समयअनुसार सोमबार राति १ः४५ बजे शुरु हुदैछ ।
नकआउट चरणमा स्थान बनाइसकेको बार्सिलोना टोटेनहमलाई पराजित गर्दै समूहमा अपराजित रहने लक्ष्यमा हुनेछ । बार्सिलोनाको ५ खेलबाट १३ अंक रहेको छ । यसक्रममा बार्सिलोनाले ४ खेलमा जित र १ बराबरी खेलेको छ ।
बार्सिलोनासँग स्टार फरवार्ड लियोनेल मेस्सी, लुइस स्वारेज, फिलिपे कौटिन्हो र औसमाने डेम्वेले जस्ता खेलाडी रहेका छन् । उनीहरुले जुनसुकै बेला पनि खेललाई आफ्नो पक्षमा पार्न सक्दछ । बार्सिलोना टोटेनहमसँग पछिल्ला ३ भेटमा पराजित भएको छैन ।
यता, टोटेनहमलाई दोस्रो चरण प्रवेश गर्न बार्सिलोनाविरुद्ध निश्चित जितको आवश्यकता छ । बराबरीको अवस्थामा टोटेनहमले इन्टर मिलान र पीएसभी इन्डोभेनबीचको खेलको नतिजा कुर्नुपर्ने हुन्छ । यो खेलमा इन्टर मिलान विजयी भए टोटेनहम बाहिरिनेछ । बराबरीको अवस्थामा भने टोटेनहम हेड टु हेडमा अघि बढ्नेछ ।
बार्सिलोनाविरुद्ध टोटेनहम सम्पूर्ण शक्ति लगाएर मैदान उत्रनेछ । ह्यारी केन, डेल अली, ह्युङ मिन सन र इरिक डेयर जस्ता खेलाडी छन् । तर, बार्सिलोनाविरुद्ध टोटेनहमले पछिल्ला तीन भेटमा जित निकाल्न सकेको छैन । यही समूहको अर्काे खेलमा इन्टर मिलानले पीएसभी इन्डोभेनसँग आज राति १ः४५ बजे प्रतिस्पर्धा गर्दैछ ।
इन्टर मिलान पीएसभीलाई पराजित गर्दै अघिल्लो चरण प्रवेश गर्ने सम्भावनालाई बलियो बनाउनेछ । टोटेनहम पराजित भएको अवस्थामा इन्टर मिलानले जित निकाले नकआउट चरणमा प्रवेश गर्नेछ । बराबरी वा पराजित भएको अवस्थामा भने इन्टर मिलान प्रतियोगिताको समूह चरणबाटै बाहिरिनेछ ।
February 5, 2025
काठमाडौं (हाम्रो खेलकुद)- दोस्रो एनएपिएफएस अन्तर स्कुल आइजी रनिङ ट्रफी फुटबल प्रतियोगितामा मंगलवार लोक आर्दश एकेडेमी विजयी भएको छ। लोक आर्दशले चन्द्रागिरीको न्यु होराइजन एकेडेमी १०-१ ले हराएको थियो। लोक आदर्शका तर्फबाट शिव थापाले ६ आरध्य चौधरीले २, धन बहादुर साउद र रोसन खपाङगीले समान १ गोल गरे। ६ गोल गरेका शिव प्लेयर अफ दि […]
February 4, 2025
हिमाल खरेल,बिर्तामोड झापाको बुद्धशान्तिस्थित जयपुरमा जारी आठौं नव ज्योति च्यालेन्ज कप फुटबल प्रतियोगितामा आयोजक क्लब सेमिफाइनलमा प्रवेश गरेको छ । आज भएको खेलमा इलामको रेर्ड हर्स एफसीमाथि १-० अन्तरको सान्त्वना जित दर्ता गर्दै आयोजक अन्तिम चारमा पक्का भएको हो । आयोजकका लागि खेलको १६ औँ मिनेटमा आयुष श्रेष्ठले गोल गरे । उनी खेलको प्लेयर अफ […]
February 4, 2025
सुमन अधिकारी, बुटवल बुटवलमा लखन कप नकआउट फुटबल प्रतियोगिता २०८१ सरु भएको छ । लखन ब्रदर्श युथ क्लबको आयोजनामा मंगलवार सुरु भएको खेलमा आयोजक लखन ब्रदर्श (सेतो)ले विजयी सुरुवात गरेको छ । प्रतियोगिताको उद्घाटन खेलमा लखनले चाँदनी युवा क्लबलाई ५-१ ले पराजित गर्यो। सिद्धेश्वर लाल कुमारी मावि खेलमैदान भएको खेलमा आयोजकको जितमा मिलन आले र […]
