काठमाडौं (हाम्रो खेलकुद) –सिग्नेचर मनाङ मस्र्याङ्दी क्लबले पल्सर सहिद स्मारक ए डिभिजन लिगमा आफ्नो दाबेदारीलाई अझै मजबुद बनाएको छ । लिगको सातौं चरणअन्तर्गत सोमबार मच्छिन्द्र क्लबलाई १–० ले हराउँदै मनाङले शतप्रतिशत नतिजाले निरन्तरता दिएको छ ।

७ मा सबै खेल जितेको मनाङको २१ अंक छ । उत्तिनै खेलमा दोस्रो स्थानमा रहेको रुस्लान थ्री स्टार क्लबले १८ अंक छ । खेल सकिन पाँच मिनेट बाँकी रहँदा आफिज अलावालले गरेको गोल खेलको निर्णायक बनेको थियो । मिक्टर कामहुकाको क्रसमा हुलमुलबीचबाट आफिजले गोल गरेका हुन् । त्यसअघि पेनाल्टीमा गोल गर्न नसक्दा मनाङले अग्रताको मौका गुमाएको थियो ।

७० औं मिनेटमा साहिद एडिलाजााई पेनाल्टी बक्समा मच्छिन्द्रका खेलाडीले फाउल गरेपछि मनाङले पनाल्टी पाएको थिजयो । तर, अन्जन विष्टको पेनाल्टी प्रहारलाई मच्छिन्द्रका गोलकिपर दीप कार्कीले जोगाएका थिए ।

च्यस खेलको दोस्रो मिनेटमा मच्छिन्द्रका विशाल राईको फितलो प्रहार मनाङका गोलकिपर विशाल श्रेष्ठले सहजै बचाए । चौथो मिनेटमा मनाङका दिपक राईको प्रहार गोलकिपर दीपकले जोगाए । १५औं मिनेटमा मनाङले पेनाल्टी एरियाभन्दा बाहिर फ्रिकिक पाएपनि डोना थापाले सदुपयोग गर्न सकेनन् ।

२१औं मिनेटमा डोनाको पासमा अन्जनको प्रहार दोस्रो बारबाट थोरै बाहिरियो । २९औं मिनेटमा मच्छिन्द्रका अजित गुरुङले गोल गर्न सकेनन् । ३४औं मिनेटमा मनाङका कप्तान विराज महर्जनको पासमा अन्जनको हेडर गोलरक्षक दिपले रोके ।

पहिलो हाफको दुई मिनेट बाँकी छँदा हेमन गुरुङको पासमा अन्जन विष्टको बक्सभित्रको प्रहार गोलरक्षक दिप कार्कीले उत्कृष्ट बचाउ गरे ।