लन्डन (एजेन्सी)– प्रिमियर लिगमा शनिबार बोर्नमाउथलाई ४–० ले हराउँदा ह्याट्रिक गरेका लिभरपुलका मोहम्मद सलाहले म्यान अफ दी म्याच अवार्ड लिन अस्वीकार गरेका छन् । उनले टोलीका जेम्स मिल्नरले प्रिमियर लिगमा कोसेढुंगा पार गरेको भन्दै उनलाई अवार्ड दिनु पर्ने बताएका थिए ।

लिभरपुलका लागि साहालले दोस्रो पटक ह्याट्रिक गरेका थिए । तर, मिल्नरले प्रिमियर लिगमा ५ सय खेल खेलेमा उनी त्यो अवार्डको बढी हकदार रहेको बताए ।

‘सबै गोलका भूमिका हुँदा खुसी लाग्छ । टोली शीर्षस्थानमा पुग्नु आफुले तीन गोल गर्नु गोल नखानु । हाम्रो आजको प्रदर्शन यहि हो । तर म यो भन्दा बढी चाहान्छु,’ सालाहले भने, ‘सबैले म बाट धेरै अपेक्षा राखेका छन् । तर मैले भन्दै आएको छु । हरेक खेल जित्नु र अंकतालिकाको शीर्षस्थानमा रहनु महत्वपूर्ण हुन्छ ।’

उनले मिल्नरलाई बधाई दिए । ‘उनको खेल जीवन साच्चै उत्कृष्ट रह्यो । आज उनी अवार्डका हदार हुन्,’ उनले थपे, ‘उनको खेल जीवन साच्चै उदाहरणीय छ । मलाई आशाासँग हामीसँगै केहि जित्ने छौं । तर यो अवार्ड म लिन्न ।’

लिभरपुल १६ खेलमा ४२ अंक बटुल्दै प्रिमियर लिगको शीर्षस्थानमा रहेको छ । गए राती नै म्यानचेस्टर सिटी चेल्सीसँग २–० ले पराजित भएपछि लिभपुल शीर्षस्थानमा यथावत रह्यो ।