चेल्सीविरुद्ध सिटीका अगुएरो र डी ब्रुएन नखेल्ने

म्यानचेस्टर (एजेन्सी)– चेल्सीविरुद्ध शनिबार प्रिमियर लिगमा प्रतिस्पर्धा गर्दा म्यानचेस्टर सिटीसँग दुई मुख्य सर्जियो अगुएरो र केभिन डी ब्रुयन टोलीमा हुने छैनन् । चोटका कारण अगुएरोले पछिल्लो दुई खेल गुमाएका थिए ।

मांशपेशीको समस्याबाट ग्रुजिरहेका उनी शनिबार चेल्सीविरुद्धको खेलका लागि फिट नरहेको बताइएको छ । सिटीका प्रशिक्षक पेप ग्वार्डिओलाले उनी शनिबारको खेलका लागि तयार नभएको बताएका छन् । प्रिमियर लिग साविक विजेता टोलीका अर्का सदस्य ब्रुयन घुँडाको चोटका कारण मैदान बाहिर रहँदै आएको छ ।

‘दुवै खेलाडी भोली खेल्ने छैनन् ,’ यसअघि दुवै खेलाडी चाँडै मैदान फर्कने विश्वास गरेका ग्वार्डिओलले भने, ‘स्टामफोर्ड ब्रिजमा सधै कठिन हुने गर्दछ । म त्यहाँ धेरै पटक गएको छु र एक पटक मात्र जितेको छु । सामान्यता मैले हारेको छु ।’ उनले चेल्सीको तारिफ गरेका छन्।

सिटी जारी प्रिमियर लिगम अपराजित रहँदै आएको छ । ‘अविजितका विषयमा म धेरै सोच्दिन । त्यो मेरो लागि महत्वपूर्ण होइन,’ उनले भने, ‘हामीले हरेक दिन एकरुपताको प्रदर्शन गरेका छौं । यो सामान्य प्रदर्शन होइन ।’