पेरिस (एजेन्सी)– ब्राजिल र पेरिस सेन्ट जर्मेन (पिएसजी) स्टार नेयमारले भविष्यमा कुनै बेला प्रिमियर लिग खेल्न सक्ने संकेत गरेका छन् । उनले भनेका छन्, ‘हरेक उत्कृष्ट खेलाडी कम्तिमा एक दिन प्रिमियर लिग खेल्नु पर्दछ ।’

बार्सिलोनाबाट गत वर्ष विश्व कीर्तिमानी रकम २ सय २२ मिलियन युरोमा पिएसजी जानुअघि नेयमार प्रिमियर लिग टोली जाने चर्चा चलेको थियो । २६ वर्षे स्टारलाई भित्राउन म्यानचेस्टर युनाइटेड र म्यानचेस्टर सिटीले चासो देखाएका थिए । तर, फ्रान्सेली क्लब पिएसजी ५ वर्षका लागि उनीसँग सम्झौता गर्न सफल भएको थियो ।

सिटीका फुलब्याक बेन्जामिन मेन्डीले के तिमि कुनै दिन इग्ल्यान्डमा फुटबल खेल्छौं भन्दै युट्यूवमार्फत नेयमारलाई सोधेका थिए । त्यसमा नेयमारको जवाफ छ, ‘ यो विश्वको उत्कृष्ट फुटबल मध्येको एक हो । यो ठूलो प्रतियोगिता हो । भोलीको बारेमा मर्ला थाहा छैन । तर हरेक उत्कृष्ट खेलाडीले कम्तिमा एक दिन प्रिमियर लिग खेल्नुपर्दछ ।’

नेयमारले मेन्डीलाई अगाडि भनेका छन्, ‘ यदि तिमि त्यहाँ खेलिरहेका छौं भने मलाई विश्वास छ तिमि प्रिमियर लिगमा रमाई रहेका छौं । तिमि उत्कृष्ट खेलाडीको हकदार हौं । बधाई छ ।’

बार्सिलोनाबाट पिएसजी पुगेयता नेयमार उच्च फर्ममा छन् । उनले ४८ खेलमा ४३ गोल गरिसकेका छन् । गत सिजन उनी उत्कृष्ट लिग १ खेलाडी घोषित भए । यद्दपी चोटका कारण उनले गत सिजन पुरा लिग खेल्न सकेनन् ।