पेरिस (एजेन्सी)– यो वर्षको बालोन डी ओर अवार्ड विजेताको घोषणा अबको केहि घन्टा पछि हुनेछ । लुका मोड्रीच, क्रिस्टियानो रोनाल्डो, लियोन मेसी, एन्टोइन ग्रिजमन, किलियन एमबाप्पे र राफेल भारेनबीच यो वर्षको उत्कृष्ट अवार्डका लागि प्रतिस्पर्धा हुने आँकलन गरिएको छ ।

पछिल्लो एक दशक दुई खेलाडी रोनाल्डो र मेसीले मात्र यो अवार्ड जितेका छन् । यसपटक यी दुई भन्दा फरक खेलाडीले अवार्ड जित्नु अनुमान पनि गरिएको छ । यो वर्षको अवार्ड कसले जित्दा भन्ने कतुहताका बीच यहाँ त्यस्ता केहि खेलाडीको चर्चा गरिएको जसले अवार्ड जित्न असफल रहे ।

८. आन्द्रेस इनियस्टा

बार्सिलोनाका महान खेलाडी एवम् स्पेनले विश्व कप जित्दाका महत्वपूर्ण सदस्य इनियस्टा फुटबल समर्थक अधिकांशले मन पराउने खेलाडीमा पर्दछ । सन् २०१२ इनिस्टा युइएफए उत्कृष्ट युरोपियन खेलाडीको अवार्ड जितेका थिए भने च्याम्पियन्स लिगका उत्कृष्ट खेलाडी चुनिएका थिए । तर, त्यसका बावजुद पनि उनी दुई पटक सम्म बालोन डी ओर जित्नबाट असफल रहे । २०१० को बालोन डी ओरमा दोस्रो स्थानमा रहेका इनियस्टा २०१२ मा तेस्रो स्थानमा रहे ।

७.जाभी हर्नान्डेज

स्पेन र बार्सिलोनाका उत्कृष्ट खेलाडी मध्येका एक जाभी उत्कृष्ट मिडफिल्डरुमा रुपमा परिचित छन् । क्लब र देशका लागि महत्वपूर्ण उपाधि जितेका जाभीलाई बोलोन डी ओरको हकदारका रुपमा हेरिएको थियो ।

फुटबलमा भिजन, पास, बल नियन्त्रणमा माहिर मानिने जाभी पेप ग्वार्डिओलाको नेतृत्वमा रहँदा २०११ मा सम्भव सबै उपाधि जितेको थियो । त्यो सिजन जाभीले पनि उच्च प्रदर्शन गरेका थिए । तर, त्यो वर्ष पनि टोलीकै सहकर्मी मेसीले बालोन डी ओर जिते भने रोनाल्डो दोस्रो र जाभी तेस्रो स्थानमा रहे ।

६. म्यानुएल नोएर

२०१४ को वर्ष गोलकिपर नुयोरका लागि खेल जीवनकै उत्कृष्ट वर्ष थियो । बायर्न म्युखिनका लागि च्याम्पियन्स लिग जितेका नुयोर सम्मिलित जर्मनीले सो वर्ष विश्व कप जितेको थियो । तर, तर पनि उनी रोनाल्डो र मेसी भन्दा पछाडि तेस्रो स्थानमा रहे । त्यो वर्ष रोनाल्डोले अवार्ड जितेका थिए ।

५. फ्रान्क रिबेरी

बायर्न म्युनिखका विङ्गर रिबेरीले २०१३ मा मेसी र रोनाल्डोको राजलाई चिर्ने अनुमान गरिएको थियो । बायर्नलाई त्यो वर्ष तीन वटा महत्वपूर्ण उपाधि दिलाउन रिबेरीले महत्वपूर्ण भूमिका निर्वाह गरेका थिए । तर उनी पनि अवार्ड जित्न असफल भए । पुनः रोनाल्डोले अवार्ड जित्दा मेसी तेस्रो र रिबेरी तेस्रो भए । रिबेरीले त्यति बेला अवार्डमा राजनीतिकरण हुने बताएका थिए ।

४. वेस्ली स्नाइडर

डच खेलाडी स्नाडरलाई २०१० को बालोन डी ओर विजेताका रुपमा हेरिएको थियो । जोसे माउरिन्होको नेतृत्वमा रहेको इन्टर मिलानले स्नाडरसहितका खेलाडीको उच्च प्रदर्शनमा तीन वटा उपाधि जितेको यिो । २०१० मै नेदरल्यान्ड्स विश्व कप फुटबलको फाइनलमा पुगेको यिथो । तर, स्नाइडर बालोन डी ओरको शीर्ष ३ मा पनि पर्न असफल भए । जसमा जाभी, इनियस्टा र मेसी समेटिएका थिए । त्यति बेला स्नाइडर शीर्ष ३ मा नपर्नु दुःखत भएको जाभीले बताएका थिए ।

३.आन्द्रे पिर्लो

प्राविधिक रुपमा पिर्लोलाई उत्कृष्ट खेलाडी मध्ये एकका रुपमा हेरिन्छ । पिर्लोले इटाली र युभेन्ट्सबाट लगातार उच्च प्रदर्शन गरेका थिए । उनको झन्डै झन्डै एकल प्रयासमा इटाली २०१२ को युरो कपको फाइनलमा पुगेको थियो । युभेन्ट्सले सिरि एमा सफलता प्राप्त गर्दा त्यसमा पिर्लोको भूमिका महत्वपूर्ण रहेको थियो । २०१२ मा उनलाई बालोन डी ओरको दाबेदारका रुपमा हेरिएको थियो । तर , उनी त्यसमा सातौं स्थानमा रहे ।

२. एन्टोइन ग्रिजमन

ग्रिजमनलाई पनि बालोन डी ओर नजित्ने एउटा अभागी खेलाडीका रुपमा हेरिन्छ । २०१६ को वर्ष उनले उच्च प्रदर्शन गरेका थिए । एट्लेटिको म्याड्रिड र फ्रान्सबाट खेल्दै उनले त्यो वर्ष ४० गोल गरेका थिए । त्यो वर्ष एटलेटिको च्याम्पियन्स लिगको फाइनल र फ्रान्स युरो कपको फाइनल पुगेको थियो । तर, दुर्भाग्य रोनाल्डोले नेतृत्व गरेको दुवै फाइनलमा एट्लेटिको रियल म्याड्रिडसँग र फ्रान्स पोर्चुगलसँग पराजित भएको थियो । रोनाल्डोले २०१६ मा अवार्ड जित्दा ग्रिजमन तेस्रो भए । रोनाल्डोको त्यो चौथो बालोन डी ओर थियो ।

१. नेयमार

बार्सिलोनामा २०१५ मा दोस्रो सिजन बिताइरहँदा नेयमारलाई बालोन डी ओरको सम्भावित विजेताका रुपमा हेरिएको थियो । मेसी र लुइस स्वारेजसँग मज्जाले जमेका नेयमारले त्यो सिजन सबै प्रतियोगितामा गरि ३९ गोल गरेका थिए । तर त्यो वर्ष मेसीले अवार्ड जिते भने रोनाल्डो दोस्रो र नेयमार तेस्रो स्थानमा रहे ।