नेपोली (एजेन्सी) – इटालियन क्लब एसएससी नेपोलीले युइएफए च्याम्पियन्स लिग फुटबलमा सर्वियन क्लब रेड स्टार बेलग्रेडलाई पराजित गरेको छ । नेपोलीले बेलग्रेडमाथि ३–१ को जित निकालेको हो ।

घरेलु मैदानमा नेपोलीलाई जिताउन ड्रीज मर्टेन्सले २ तथा मारेक हाम्सिकले एक गोल गरे । रेड स्टारका इल फार्डाेउ विनले सान्तवना गोल फर्काए । नेपोलीले खेलको खेलको ११औं मिनेटमा मारिकको गोलबाट अग्रता बनाएको थियो । ३३औं मिनेटमा ड्रीज मर्टेन्सले गोल गर्दै नेपोलीलाई पहिलो हाफमा २–० को अग्रता दिलाए ।

५२औं मिनेटमा मर्टेन्सले व्यक्तिगत दोस्रो तथा टिमका लागि तेस्रो गोल गर्दा नेपोलीले खेलमा ३–० को आरामदायी अग्रता बनाएको थियो । ५७औं मिनेटमा इउल फार्डाेउले गोल गर्दैखेललाई ३–१ को अवस्थामा ल्याए । त्यसपछि थप गोल निस्कन नसक्दा नेपोली ३–१ ले विजयी हुन सफल भयो ।

अंक तालिकामा ५ खेलपछि नेपोली ९, पिएसजी ८ र लिभरपुल ६ अंक लिएर शीर्ष तीन स्थानमा छन् रेड स्टारको ४ अंक रहेको छ । यो जितसँगै नेपोलीले च्याम्पियन्स लिग फुटबलको नकआउट चरण पुग्ने सम्भावना बलियो बनाएको छ । नेपोलीले अब समूह चरणको अन्तिम खेलमा इंग्लिस क्लब लिभरपुलसँग खेल्नेछ । यो खेलमा जित वा बराबरी हात पारे नेपोली नकआउट चरणमा प्रवेश गर्नेछ । पराजित भएको अवस्थामा भने लिभरपुल अघिल्लो चरणमा प्रवेश गर्नेछ ।

यही समूहको अर्काे खेलमा पीएसजीले रेड स्टारमाथि जित निकाल्दै नेपोली लिभरपुलसँग पराजित भए समूह चरणबाट बाहिरिनेछ । नेपोली लिभरपुलसँग पराजित तथा पीएसजी रेड स्टारसँग बराबरीमा रोकिएको अवस्थामा भने नेपोली अघिल्लो चरणमा प्रवेश गर्नेछ ।