मलेसिया यु-२२ विरुद्ध मैत्रीपूर्ण खेल खेल्न मलेसियाको सेम्बिलान पुगेको नेपालले आफ्नो ६ खेलाडीहरुलाई चोट र अन्य कारणले टोलीमा राखेको छैन |

चोटका कारण रोहित चन्द र आदित्य चौधरी मैत्रीपूर्ण खेलका लागि उपलब्ध भएनन् भने बिक्रम लामा, अन्जन बिष्ट, अनन्त तामाङ र बिमल घर्ति मगर विदेशमा खेल्दै छन्| बिमल भने चोटका कारण अझैपनि नेपालमै बसेर विश्राम गरिरहेका छन्| यस्तो अवस्थामा वैकल्पिक खेलाडीहरुले अनुभव बटुल्न पाउनेछन् भने टोली पनि समग्रमा बलियो हुनेछ|

साग र बंगबंधुमा आक्रमणमा अन्जन, बिमल र नवयुगको तालमेल एकदम राम्रो देखिएको थियो| तर, अन्जन र बिमलको अनुपस्थितिमा अब नवयुगले नयाँ खेलाडीहरुमा भर पर्नुपर्नेछ| सम्भवत: उनको साथमा भारत खवास र प्रकाश बुढाथोकी खेल्ने सम्भावना बढ्दो छ| यी दुवै खेलाडी नवयुगको खेलशैली संग अवगत नै छन्|

 नवयुगकले २०१६मा गरेको अन्तराष्ट्रिय गोलहरू हेर्नुहोस:

सागको फाइनलमा भारत विरुद्ध वैकल्पिक खेलाडीको रुपमा मैदान प्रवेश गरेर पनि फ्रिकिकमा बराबरी गोल र नवयुगको विजयी गोलमा असिस्ट दिएका प्रकाश घरेलु लिगमा थ्री स्टार बाट खेल्छन| विगत दुइ महिना देखि संगै प्रशिक्षण गर्दै आएकोले नवयुगको खेलसंग उनि जानकार छन्|

अर्का नयाँ खेलाडी भारत खवास र नवयुग श्रेष्ठ घरेलु लिगमा त्रिभुवन आर्मी क्लबबाट खेल्छन| अन्तराष्ट्रिय फुटबलमा नेपालबाट खेल्दै छुट्टै पहिचान बनाएका यी दुइ पहिलोपल्ट एकैसाथ नेपालको लागि खेल्दै छन्| घरेलु लिगमा एक अर्कालाई गोल गर्न मद्दत गर्दै आर्मीलाई दोश्रो स्थानमा पुर्याएका यी दुइ नेपालको लागि दरिलो हतियार बन्ने दाउमा छन्|