default_image

6 years ago

November 28, 2018

चितवन टाइगर्सले इंग्लिस खेलाडी भित्र्यायो

39 views

0 Bookmark

काठमाडौं (हाम्रो खेलकुद) – चितवन टाइगर्सले मंसिर २२ देखी सुरु हुने तेस्रो संस्करणको एभरेष्ट प्रिमियर लिग (ईपीएल) को लागि दोस्रो विदेशी खेलाडीको नाम सार्वजनिक गरेको छ ।

बुधबार एक प्रेस विज्ञप्ति जारी गर्दै इंग्ल्यान्डका जोन सिम्पसनलाई टोलीमा भित्र्याएको जनाएको छ । यसअघि चितवन टाइगर्सले टेस्ट राष्ट्र आयरल्यान्डका विष्फोटक ओपनर ब्याट्सम्यान पाउल स्टर्लिङलाई पहिलो विदेशी खेलाडीको रुपमा भित्र्याई सकेको छ ।

सिम्पसन इंग्ल्यान्डबाट १ सय ४० प्रथम श्रेणी, ८४ लिष्ट ए र ९४ टी–२० खेल खेलेका छन् । उनले प्रथम श्रेणीमा ५ हजार ८ सय २७ रन बनाएका छन् । जस्मा ५ शतक, ३३ अर्ध शतक सामेल रहँदा १ सय ४३ उच्च स्कोर रहेको छ । त्यस्तै टी–२० खेलमा उनले १ सय २८.५७ को स्ट्राइक रेटमा कुल १५ सय ५७ रन जोडेका छन् । जस्मा ८४ नट आउट उच्च स्कोर हुँदा कुल १ सय १३ चौका र ५४ छक्का प्रहार गरेका छन् ।

चितवनले यस अघि इङ्ल्यान्डका म्याक्स होल्डेन र न्युजिल्यान्डका जेम्स फुलरलाई टोलीमा अनुबन्ध गरेको थियो । तर म्याक्स इङ्ल्यान्डको लिष्ट ‘ए’ टोलीमा परेको ब्यस्त तालिका र फुलर पारिवारीक कारण आउन नसक्ने बताएपछि अन्य विदेशी खेलाडी भित्र्याउन लागेको हो । दिपेन्द्र सिंह ऐरी कप्तान रहेको चितवनमा पृथु वास्कोटा,दिलिप नाथ,भिम सार्की,ललितसिंह भण्डारी,साहव आलम, कमलसिंह ऐरी जस्ता क्रिकेटर रहेका छन् ।

चितवनले बुधबार भरतपुर महानगरपालिकाकी मेयर रेणु दाहाललाई टोलीको जर्सी हस्तान्तरण गरेको थियो । चितवनले ट्यालेन्ट हन्टसँगै टोलीको प्रशिक्षण पनि चितवनमै बुधबारदेखि सुरु गरेको छ ।

चितवनले यस वर्ष सुवास खकुरेल,योगेन्द्र सिंह कार्की र सुनाम गौतमलाई रिलिज गर्दै आदिल खान,सागर ढकाल र इशान पाण्डेलाई टोलीमा अनुबन्ध गरेको छ । इपीएलमा चितवनले पहिलो खेल ललितपुरसँग मंसिर २३ मा खेल्ने छ ।

September 22, 2024

एपिएफ चितवन गोल्डकपको सेमिफाइनलमा

सुशील पन्त क्षेत्री, चितवनएपिएफ फुटबल क्लब गोल्डेन इमिनेन्ट दोस्रो चितवन गोल्डकप फुटबलको सेमिफाइनलमा प्रवेश गरेको छ । १० खेलाडीमा सीमित वीरगन्ज युनाइटेडलाई ३–० ले हराउँदै एपिएफ सेमिफाइनलमा पुगेको हो । एपिएफको जितमा विके तमाङले २ तथा बुद्धिमान राईले १ गोल गरे । खेलको ४१ औं मिनेटमा बुद्धिमानको गोलमा एपिएफले अग्रता लिएको थियो । दोस्रो हाफमा […]

September 22, 2024

बेलबारी गोल्डकपको ट्रफी सार्वजनिक

हिमाल खरेल, बिर्तामोड बेलबारी आरजु राइस अन्तर्राष्ट्रिय आमन्त्रण गोल्डकप फुटबल प्रतियोगितामा प्रदान गरिने अढाई किलो चाँदीमा दुई तोला सुनजडित गोल्डकपको ट्रफी सार्वजनिक गरिएको छ । गोल्डकपको मूल्य झण्डै ८ लाख रुपैयाँ रहेको बताइएको छ । आयोजक एलएक्ससिटी फुटबल क्लबले बेलबारी नगरपालिकाको सभाहलमा आइतवार पत्रकार सम्मेलन गर्दैै गोल्डकपको ट्रफी सार्वजनिक गरेको हो । बेलबारी ११ निवासी […]

September 22, 2024

झापा ११ पथरीशनिश्चरे गोल्डकपको सेमिफाइनलमा

हिमाल खरेल, बिर्तामोड झापा एफसी मोरङको पथरीमा जारी प्रथम पथरीशनिश्चरे गोल्डकप फुटबल प्रतियोगिताको सेमिफाइनलमा प्रवेश गरेको छ । पथरी ११ एफसीले आयोजना गरेको गोल्डकपमा आइतवार दोस्रो क्वार्टर फाइनलमा धरान सिटी एफसीलाई ४–० ले हराउँदै झापा ११ अन्तिम चारमा पुगेको हो । झापा ११ का लागि प्रदीप बुढाथोकीले ह्याट्रिक पूरा गरे । उनले खेलको नवौं , […]

Success

Thank you for your time.