काठमाडौं (हाम्रो खेलकुद) – पल्सर सहिद स्मारक ए डिभिजन लिग अन्तर्गत तेस्रो चरणको खेल सोमबारदेखि सुरु हुँदैछ । सोमबारको खेलमा तेस्रो स्थानको त्रिभुवन आर्मी क्लब र दोस्रो स्थानको सीएमजी क्लब संकटा भिड्दैछन् ।

लिगको सुरुवाती तीनै खेलमा जित दर्ता गरेको संकटा आफ्नो लयलाई निरन्तरता दिने सुरमा हुनेछ । टोलीमा रातो कार्ड पाएर पछिल्लो खेल गुमाएका फरवार्ड एलोन म्याक्सवेल पनि उपलब्ध हुनेछन् । यता आर्मीका लागि पनि पछिल्लो खेलमा चोटका कारण विश्राम लिएका फरवार्ड नवयुग श्रेष्ठ फर्कनेछन् । यस खेलमा जित दर्ता गर्ने टोली अंक तालिकाको शीर्ष स्थानमा उक्लनेछ ।

दोस्रो खेलमा न्यूरोड टिम (एनआरटी) र रुस्लान थ्री स्टार क्लब खेल्नेछन् । पछिल्लो खेलमा मनाङसँग पराजित भएको थ्री स्टार पुन: जितको सिलसिला कायम राख्ने सुरमा हुनेछ । यता एनआरटी लिगको पहिलो जितको खोजीमा हुनेछ । दुवै खेल सातदोबाटोस्थित एन्फा कल्म्प्लेक्समा हुनेछ ।

सोमबारै हल्चोकस्थित एपीएफ रंगशालामा च्यासल युवा क्लब र नेपाल पुलिस क्लब भिड्नेछन् । दुवै टोली ३ खेलमा १ जित, १ बराबर र १ हारसँगै ४-४ अंकमा छन् । पुलिसले पछिल्लो खेलमा आर्मीसँग १-० को हार बेहोरेको थियो । यता च्यासलले भने एनआरटीलाई ५-१ को फराकिलो अन्तरले हराएको थियो ।

अंक तालिका :

चौथो चरणको खेलहरु :

मंसिर १० : आर्मी विरुद्ध संकटा – ११:०० – एन्फा कम्प्लेक्स

मंसिर १० : एनआरटी विरुद्ध रुस्लान थ्री स्टार – २:३० – एन्फा कम्प्लेक्स

मंसिर १० : च्यासल विरुद्ध पुलिस  – २:३० – एपीएफ रंगशाला

मंसिर ११ : ब्रिगेड ब्वाइज विरुद्ध सरस्वती – ११:०० – एन्फा कम्प्लेक्स

मंसिर ११ : मनाङ विरुद्ध एपीएफ – २:३० – एन्फा कम्प्लेक्स

मंसिर १२ : हिमालयन शेर्पा विरुद्ध मछिन्द्र – ११:०० – एन्फा कम्प्लेक्स

मंसिर १२ : फ्रेन्ड्स विरुद्ध जावलाखेल – २:३० – एन्फा कम्प्लेक्स