लियोन दोस्रो स्थानमा उक्लियो

लियोन (एजेन्सी) – लियोन फ्रेन्च लिग वान फुटवलको दोस्रो स्थानमा उक्लिएको छ । लिग वान अन्तरगत शुक्रबार राति भएको खेलमा लियोनले सेन्ट इटिनीलाई १–० ले पराजित गर्दै दोस्रो स्थानमा उक्लन सफल भएको हो ।

घरेलु मैदानमा भएको खेलमा लियोनलाई झिनो अन्तरको जित दिलाउन जासोन डिनायरले गोल गरे । उनले खेलको ६२औं मिनेटमा मेम्फिस डिपेको पासलाई सदुपयोग गरेका थिए । प्रतिस्पर्धात्मक बनेको खेलमा दुवै टोलीले गोलको केही मौका पाएपनि सदुपयोग गर्न सकेनन् ।

जितपछि दोस्रो स्थानमा उक्लिएको लियोनको १४ खेलबाट २७ अंक पुगेको छ । लियोन अझै शीर्ष स्थानको पीएसजीभन्दा १२ अंकले पछि छ । पराजित भएको सेन्ट २३ अंकसहित पाँचौ स्थानमा छ । लिगको शीर्ष स्थानमा रहेको पीएसजीको १३ खेलबाट ३९ अंक छ । लिले २६ अंकसहति तेस्रो तथा मोन्टपिलर २५ अंकसहित चौथो स्थानमा छ ।

पीएसजीले आज दुई मुख्य खेलाडी नेयमार र एमबाप्पेविनै टोलुसोसँग प्रतिस्पर्धा गर्दैछ । खेल पीएसजीको घरेलु मैदानमा हुनेछ ।