काठमाडौं (हाम्रो खेलकुद) – पल्सर सहिद स्मारक ए डिभिजन लिग अन्तर्गत बिहीबारदेखि तेस्रो चरणका खेलहरु सुरु हुँदैछ । दोस्रो चरणको समाप्तिमा रुस्लान थ्री स्टार र मनाङ मर्स्याङदी क्लब शीर्ष दुई स्थानमा छन् ।

तेस्रो चरणको पहिलो दिन नै शीर्ष दुई टोलीको भिडन्त हुँदैछ । एन्फा कम्प्लेक्समा दिउँसो २ बजे मनाङ र रुस्लान थ्री स्टारले खेल्नेछन् । बिहीबारै पहिलो जितको खोजीमा रहेका च्यासल र न्यू रोड टिम (एनआरटी) को भिडन्त हुनेछ । तेस्रो चरणमा दोस्रो ठूलो खेलमा उपाधि आकांक्षी अन्य दुई क्लब पनि खेल्नेछन्  । त्रिभुवन आर्मी क्लब र नेपाल पुलिस क्लब भने शुक्रबार हुनेछ ।

शुक्रबार तीन खेल हुनेछन् । एन्फा कम्प्लेक्समा हुने पहिलो खेलमा ब्रिगेड ब्वाइजले एपीएफको सामना गर्नेछ । दिउँसो २:३० बजे दुई खेल हुनेछन् । आर्मी र पुलिसको विभागीय डर्बी एन्फा कम्प्लेक्समा चलिरहँदा मछिन्द्र र संकटा एपीएफ रंगशालामा खेल्नेछन् ।

तेस्रो चरणको अन्तिम दुई खेल शनिबार हल्चोकस्थित एपीएफ रंगशालामा हुनेछ । पहिलो खेलमा पहिलो जितको खोजीमा रहेको फ्रेन्ड्सले अर्को अंकविहिन क्लब सरस्वतीको सामना गर्नेछ । दोस्रो खेलमा जावलाखेल र हिमालयन शेर्पाबीच  प्रतिस्पर्धा हुनेछ ।

तेस्रो चरणको पूर्ण खेल तालिका :

मंसिर ६ : च्यासल विरुद्ध एनआरटी – ११ बजे – एन्फा कम्प्लेक्स

मंसिर ६ : मनाङ विरुद्ध थ्री स्टार – २:३० बजे – एन्फा कम्प्लेक्स

मंसिर ७ : ब्रिगेड ब्वाइज विरुद्ध एपीएफ – ११ बजे – एन्फा कम्प्लेक्स

मंसिर ७ : आर्मी विरुद्ध पुलिस – २:३० बजे – एन्फा कम्प्लेक्स

मंसिर ७ : मछिन्द्र विरुद्ध संकटा – २:३० बजे – एपीएफ रंगशाला

मंसिर ८ : फ्रेन्ड्स विरुद्ध सरस्वती – ११ बजे – एपीएफ रंगशाला

मंसिर ८ : जावलाखेल विरुद्ध हिमालयन शेर्पा – २:३० बजे – एपीएफ रंगशाला

अंक तालिका :