लिस्बन (एजेन्सी) – पोर्चुगलका पूर्व खेलाडी डेकोले बार्सिलोनाका पूर्व सहकर्मी रोनाल्डिन्होको खुलेर प्रशंसा गरेका छन् । बार्सिलोना एवंम् अर्जेन्टिनाका सुपर स्टार लियोन मेसी र पोर्चुगल तथा युभेन्ट्सका सुपर स्टारका क्रिस्टियानो रोनाल्डो भन्दा पनि आफुलेसँगै खेलका रोनाल्डिन्हो सधै उत्कृष्ट लागेको डेकोले बताएका छन् ।

डेको र ब्राजिलियन महान खेलाडी रोनाल्डिन्होले सन् २००४ देखि २००८ सम्म सँगै बार्सिलोनामा खेलेका थिए । उनीहरुले सँगै दुई पटक ला लिगा र एक पटक च्याम्पियन्स लिग उपाधि जितेका थिए ।

मेसी र रोनाल्डो उत्कृष्ट खेलाडी हुन् । विशेषत उनीहरु वर्षौदेखि एकै स्तरमा खेलिरहेका छन्, डेकाले भने, तर, तर म रोनाल्डिन्होबाट सधै प्रभाविति रहे । उनी मेरो लागि सदाबहार उत्कृष्ट हुन् ।

रोनाल्डिन्होका साथ खेल्नु आफ्नो खेल जीवनकै उत्कृष्ट वर्षहरु भएको पनि डेकोले प्रष्ट पारेका छन् । ‘बार्सिलोनामा जति बेला हाम्रो भेट भयो । हामी निकै नजिक भयौं ,’ उनले स्मरण गरे, ‘उनीसँग विताएका पल कुनै अन्य चिजसँग तुलना गर्न कठिन हुनेछ । ती उत्कृष्ट क्षण थिए । ‘

मेसी र रोनाल्डोलाई जसरी अहिले विश्वकै उत्कृष्ट खेलाडी मानिन्छ त्यस्तै त्यो बेला रोनाल्डिन्होका बारेमा भनिथ्यो । मेसी र रोनाल्डो दशकयता उच्च प्रदर्शन गरिरहेका छन् ।