दक्षिण कोरिया ४-० ले विजयी

एजेन्सी – अन्तर्राष्ट्रिय मैत्रीपूर्ण खेल अन्तर्गत मंगलबार भएको खेलमा दक्षिण कोरियाले उज्बेकिस्तानमाथि ४-० को जित दर्ता गरेको छ । यससँगै पोर्चुगलको पूर्व प्रशिक्षक पाउलो बेन्टोले कोरियाको जिम्मेवारी लिएपछि अपराजित यात्रा कायम राखेका छन् ।

कोरियाले खेलको नवौं मिनेटमा नै ताए ही नामको गोलमा अग्रता लिएको थियो । उइ जो ह्वाङले खेलको २४ औं मिनेटमा अग्रता दोब्बर पारे । सिओं मिन मुनले ६९ औं मिनेटमा तेस्रो गोल थपे । ह्युन जुन सुकले ८१ औं मिनेटमा चौथो गोल गर्दै जित पक्का गरे ।

जनवरीमा यूएईमा आयोजना हुने एसियन कपको लागि कोरियाले आफ्नो दावेदारी प्रस्तुत गरिरहेको छ । यसक्रममा विश्वकपपछि टोलीमा आएका प्रशिक्षक बेन्टो ६ खेलमा अपराजित रहेका छन् । उनको प्रशिक्षणमा टोलीले ३ जित र ३ बराबरी खेलेको छ । यो कोरियाको नयाँ प्रशिक्षक बनेपछि स्थापित भएको सबैभन्दा लामो अपराजित यात्रा पनि हो ।

कोरियाले अब एसियन कप अगाडी डिसेम्बर ३१ मा साउदी अरेबियाको सामना गर्नेछ ।