काठमाडौं (हाम्रो खेलकुद) – पल्सर सहिद स्मारक ए डिभिजन लिगअन्तर्गत दोस्रो चरणको अन्तिम तीन खेल आज हुँदैछन् । आज हुने दुई खेल सातदोबाटोस्थित एन्फा कम्प्लेक्स र एक खेल हल्चोकस्थित एपीएफ रंगशालामा हुनेछ ।

दिनको पहिलो खेलमा जावलाखेल युवा क्लब र सीएमजी संकटा क्लब भिड्नेछन् । संकटाले पहिलो खेलमा सरस्वति युवा क्लबलाई १-० ले पराजित गरेको थियो । लक्ष्मण रुचालको इन्ज्युरी समयको गोलको मदतले संकटाले तीन अंक हात पारेको थियो । यता जावलाखेल भने पहिलो खेलमा नेपाल पुलिस क्लबसँग १-० ले पराजित भएको थियो । यी दुई क्लबको खेल विहान ११ बजे एन्फा कम्प्लेक्समा हुनेछ ।

एन्फा कम्प्लेक्समै दिउँसो २:३० बजेको खेलमा फ्रेन्ड्स क्लब र एपीएफ खेल्नेछन् । फ्रेन्ड्सले पहिलो खेलमा थ्री स्टारसँग २-१ को पराजय बेहोरेको थियो । एपीएफ भने हिमालयन शेर्पासँग गोलरहित बराबरीमा रोकिएको थियो । पहिलो जितको खोजीमा रहेका दुई टोलीबीच निकै प्रतिस्पर्धा हुने अपेक्षा गरिएको छ ।

एपीएफ रंगशालामा दिउँसो २:३० बजे नै हिमालयन शेर्पा र सरस्वति युवा क्लबले खेल्नेछन् । शेर्पाले एपीएफसँग गोलरहित बराबरी खेल्दै अंकको खाता खोलिसकेको छ । सरस्वति भने पहिलो खेलमा अन्तिम समयमा गोल खाँदै संकटासँग पराजित भएको थियो ।

हालसम्मको अंक तालिका :