काठमाडौं (हाम्रो खेलकुद) – पल्सर सहिद स्मारक ए डिभिजन लिग अन्तर्गत शनिबारदेखि दोस्रो चरणका खेल सुरु हुँदैछन् । हल्चोकस्थित एपीएफ रंगशालामा शनिबार दुई खेल हुनेछन् ।

पहिलो खेलमा ब्रिगेड ब्वाइज क्लबले मनाङ मर्स्याङदी क्लबको सामना गर्दैछ । विहान ११ बजे हुने खेलमा मनाङका लागि मिडफिल्डर एवं उपकप्तान सुजल श्रेष्ठ चोटका कारण उपस्थित रहने छैनन् । उनी बुधबार प्रशिक्षणका क्रममा लड्दा हातमा चोट लागेपछि ६ साताका लागि विश्राममा रहेका छन् ।

मनाङले सुजल घाइते हुने अघिल्लो दिनमात्र विंगर प्रकाश बुढाथोकीलाई टोलीमा आबद्ध गरेको थियो । यसबाहेक मनाङमा दिपक राई, अन्जन विष्ट, हेमन गुरुङ, विशाल राइसँगै विदेशी फरवार्डद्वय ओलावाले आफिज र आडेलाजा सोमिडे पनि छन् ।

प्रशिक्षणमा चोट बोकेपछि सुजल

मनाङलाई डिफेन्सले पनि केहि समस्या दिन सक्छ । पहिलो खेलमा विमल बस्नेत र सुरज विकलाई उतारेको मनाङले विमलको साथ् गुमाएको छ । उनी व्यक्तिगत कारणले हाल अष्ट्रेलियामा छन् । गोलरक्षक विशाल श्रेष्ठ लयमा छन् र उनले नै टोलीको डिफेन्सको कमजोरीलाई आफ्नो बलियो प्रदर्शनले बढावा दिनेछन् । कप्तान विराज महर्जनले पहिलो खेल चोटका कारण गुमाएका थिए । उनी यस खेलका लागि भने उपलब्ध हुनेछन् ।

यता एनआरटीका भने पहिलो खेलमा आर्मीलाई बराबरीमा रोकेपछि उच्च लयमा रहेको छ । आक्रमणमा तीव्र गतिका खेलाडी हुनुले विपक्षी डिफेन्सलाई केहि समस्या हुन सक्छ । युवा जोशले भरिएको एनआरटीले पहिलो खेलमा आर्मीविरुद्ध अन्तिम मिनेटमा बराबरी गोल खाएको थियो । प्रशिक्षक महेश्वर मुल्मीले ठूला टोलीविरुद्ध आक्रामक भएर खेल्दा नतिजा आउने भएकाले मनाङविरुद्ध पनि आर्मीविरुद्ध झैं खेल्ने बताए ।

फाइल: तस्वीर