बेल्जियमले आइसल्यान्डलाई हरायो

ब्रुसेल्स (एजेन्सी) – मिसी बासुआईले दुई गोल गरेपछि यूईएफए नेसन्स लिग अन्तर्गत बिहिबार राती बेल्जियमले आइसल्यान्डलाई २–० ले पराजित गरेको छ ।

बेल्जियमको घरेलु मैदानमा फरवार्ड बासुआईले दुवै गोल दोस्रो हाफमा गरे । प्रतिस्पर्धात्मक बनेको खेलको पहिलो हाफ गोलरहित बराबरीमा सकिएको थियो । ६५ औं मिनेटमा बासुआईले थोमस म्युनियरको पासलाई सदुपयोग गर्दै बेल्जियमलाई अग्रता दिलाएका थिए । खेल सकिन ९ मिनेट बाँकी रहँदा हान्स भानकेनको पासलाई सदुपयोग गर्दै उनैले बेल्जियमको जित पक्का गरेका थिए ।

समूह २ मा अपराजित रहेको बेल्जियमले जितसँगै च्याम्पियनसिप प्ले अफ खेल्ने सम्भावना बलियो बनाएको छ । बेल्जियमको ३ खेलबाट ९ अंक छ । आइसल्यान्डले चार खेल सकिदा अंक जोड्न सकेको छैन । स्वीट्जरल्यान्ड ३ खेलमा ६ अंक जोडेर दोस्रो स्थानमा छ ।

यूईएफए नेसन्स लिगका अन्य खेलको नतिजाहरु

अष्ट्रिय विरुद्ध बोस्निया हर्जगोभिना (०–०)

ग्रीस विरुद्ध फिनल्यान्ड (१–०)

हंगेरी विरुद्ध इस्टोनिया (२–०)

एन्डोरा विरुद्ध जर्जिया (१–१)

लक्जेमवर्ग विरुद्ध बेलारुस (०–२)

सान मारिनो विरुद्ध माल्दोभा (०–१)