टुरिन (एजेन्सी) – युभेन्ट्सका प्रशिक्षक मासिमिलियानो एलिग्री टोलीका स्टार क्रिस्टियानो रोनाल्डोप्रति निकै आशावादी रहने गर्छन् । च्याम्पियन्स लिगको समूह चरणमा आज म्यानचेस्टर युनाइटेडको सामना गर्दै रोनाल्डोले गोल गर्दैमा एलिग्री विश्वस्त छन् ।

रियल म्याड्रिडबाट यो सिजन युभेन्ट्स पुगेदेखि उनी उच्च फर्म रहेका छन् । ३३ वर्षे रोनाल्डोले यो सिजन युभेन्ट्स पुगेयता सिरिएमा ११ खेलमा ७ गोल गर्नुका साथै पाँच एसिस्ट गरेका छन् । युनाइटेड रोनाल्डोको पूर्व क्लब हो । युनाइटेडले टुरिन यात्रा गर्दा रोनाल्डोले पूर्व क्लबविरुद्ध गोल गर्नेमा प्रशिक्षक एलिग्री विश्वस्त छन् ।

‘उनले बुधबारको खेलमा गोल गर्नेछन् । उनले युनाइटेडसँगको पहिलो खेल्न पाएका थिएनन्,’ उनले भने, ‘दोस्रो पनि खेलेनन् । उनले एक खेलमात्र खेलेका छन् , त्यसमा पनि उनले एसिस्ट गरेका थिए । धेरै खेल यो सिजन च्याम्पियन्स लिगमा खेलेका छैनन् । ‘

युभेन्ट्स समूह एचमा शतप्रतिशत नतिजासहित ९ अंकका साथ शीर्षस्थानमा छ । त्यस्तै युनाइटेड ४ अंकसहित दोस्रो स्थानमा छ । भ्यालेन्सियाको २ र योङ ब्वाइजको १ अंक छ ।

युनाइटेड र युभेन्ट्सबीचको खेल राती नेपाली समय अनुसार १ः४५ बजे सुरु हुनेछ । यी दुईबीचको पहिलो लेगमा युभेन्ट्स १–० ले विजयी भएको छ । आजै समूहको अर्को खेलमा भ्यालेन्सियाले योङ ब्वाइजसंग खेल्नेछ ।