एजेन्सी – यूईएफए च्याम्पियन्स लिग अन्तर्गत गएराति भएको खेलमा बार्सिलोना र इन्टर मिलानबीचको खेल@-१ को बराबरीमा टुङ्गिएको छ । यस नतिजासँगै समूहमा बार्सिलोनाले अग्रता कायमै राखेको छ ।

निकै प्रतिस्पर्धात्मक खेलको पहिलो हाफमा दुवै टोलीले गोल गर्न सकेनन् । लुइस सुअारेजले पहिलो हाफमा पाएको मौका सदुपयाेग गर्न नसक्दा बार्सिलोनाले दोस्रो हाफसम्म कुर्नुपरेको थियो । बार्सिलोनाका लागि ब्राजिलका विङ्गर माल्कमले अग्रता दिलाए । उनले खेलको ७ मिनेट समय बाँकी रहँदा गोल गरेका थिए ।

बार्सिलोनाले अन्तिम समयमा डिफेन्सा गल्ती गर्दा जित दर्ता गर्न सकेन । इन्टरका कप्तान माउरो इकार्डीले ३ मिनेट समय बाँकी छँदा पेनाल्टी क्षेत्रभित्र बाट गोल गर्दै खेल बराबरीमा ल्याए ‌। खेलमा बार्सिलोनाले अधिकांश समय बलमा पकड बनाएपनि गोलको अवसर भने सोहिअनुसार सिर्जना गर्न सकेन । कप्तान लिअोनेल मेसी टोलीसँगै इटाली पुगेपनि प्रशिक्षक एर्नेस्टोले जोखिम लिन नचाहेपछि बेन्चमा पनि बसेनन् ।

बराबरीमा बाबजुद बार्सिलोना दोस्रो चरणमा पुगेको छ । अर्को खेलमा टोटेनहमले पीएसभीलाई २-१ ले हराएपछि बार्सिलोना अर्को चरणमा पुगेको हो । बार्सिलोनाले अब लिगको खेलमा पीएसभी र टोटेनहमको सामना गर्नेछ ।