इतिहाद (एजेन्सी) – डिफेन्डिङ च्याम्पियन म्यानचेस्टर सिटीले इंग्लिस प्रिमियर लिग फुटबलमा प्रभावशाली जित निकालेको छ । प्रिमियर लिग अन्तरगत आइतबार राति भएको खेलमा सिटीले साउथह्याम्पनमाथि ६–१ को प्रभावशाली जित निकालेको हो ।

सिटीको प्रभावशाली जितमा रहिम स्ट्रलिङले २ तथा सर्जियो अग्विरो, डेभिड सिल्भा र लिरोए सानेले समान १ गोल गर्दा १ गोल गर्दा आत्मघाती उपहार पाएको थियो । साउथह्याम्पटनका वेस्ली होइड्टले आत्मघाती गोल गर्दा ड्यानी इङ्सले सान्त्वना गोल फर्काए ।

घरेलु मैदानमा सिटीले खेलको छैटौं मिनेटमा वेस्लीको आत्मघाती गोलबाट अग्रता लिएको थियो । लिरोए सानेको प्रहारलाई जोगाउन खोज्दा आफ्नै पोस्टमा गोल गरेको थियो । खेलको शुरुवातदेखि नै आक्रमक देखिएको सिटीले १२औं मिनेटमा अग्विरोको गोलबाट अग्रता दोब्बर पारेको थियो । अग्विरोले रहिमको पासमा गोल गरेका थिए ।

१८औं मिनेटमा डेभिड सिल्भाले बर्नाडो सिल्भाको पासमा गोल गर्दै सिटीलाई ३–० को अग्रता दिलाएका थिए । ३०औं मिनेटमा साउथह्याम्पटनका ड्यानीले पेनाल्टीमार्फत गोल गर्दै खेललाई ३–१ को स्थितिमा ल्याएका थिए । तर, पहिलो हाफको इन्जुरी समयमा रहिमले गोल गरेपछि सिटीले पहिलो हाफमा ४–१ को आराअदायी अग्रता दिलाएका थिए ।

पहिलो हाफमा आरामदायी अग्रता लिएको सिटीले दोस्रो हाफमा थप दुई गोल गर्न सफल भयो । ६७औं मिनेटमा स्टर्लिङले अग्विरोको पासमा गोल गर्दै सिटीलाई खेलमा ५–१ को अग्रता दिलाए । ९०औं मिनेटमा सानेले गोल गर्दै सिटीलाई ६–१ को प्रभावाली जित दिलाए ।

सिटीले ६ गोल गर्नाका बावजुत पनि केही सुन्दर मौकाहरु खेर फालेको थियो । साउथह्याम्पनले सिटीसामु केही आक्रमण बुनेपनि गोल गर्न नसक्दा फराकिलो हार बेहोर्न बाध्य बन्यो ।

जितसँगै सिटीको ११ खेलबाट २९ अंक जोड्दै शीर्ष स्थानमा उक्लिएको छ । दोस्रो स्थानको चेल्सीको २७ अंक छ । सिटीसँग पराजित साउथह्याम्पटन ७ अंकसहति १६औं स्थानमा छ ।