जेनोआमाथि इन्टरको पाँच गोल

मिलान (एजेन्सी) – इन्टर मिलान इटालियन सिरी ‘ए’ मा जिनोआमाथि फराकिलो जित निकालेको छ । सिरी ‘ए’ अन्तर्गत शनिबार भएको खेलमा जेनोआमाथि ५–० को प्रभावशाली जित निकालेको हो ।

मिलानको फराकिलो जितमा रोबर्टाे गग्लीआरडिनीले २ तथा माटियो पोलिटानो, जोआ मारियो र राड्जा नेइङगोलनले समान गोल गरे । एकपक्षीय बनेको खेलमा मिलानले १४औं मिनेटमा रोबर्टाेको गोलबाट खेलमा अग्रता बनाएको थियो । त्यसको दुई मिनेटपछि नै पोलिटानोले गोल गर्दै मिलानलाई २–० को अग्रता दिलाएका थिए ।

पहिलो हाफमा २–० को अग्रता बनाएको मिलानले दोस्रो हाफमा थप ३ गोल गर्न सफल भएको थियो । ४९औं मिनेटमा रोबर्टाेले टिमका लागि चौथो तथा व्यक्तिगत दोस्रो गोद गर्दा मिलान खेलमा ३–० को अग्रता बनाउन सफल भएको थियो । बाँकी दुई गोल भने, इन्जुरी समयको थप गरिएको समयमा भएको थियो ।

इन्जुरी समयको थप गरिएको पहिलो मिनेटमा मारियोले गोल गर्दा चौथो मिनेटमा राड्जाले गोल गर्दै मिलानलाई ५–० को प्रभावशाली जित दिलाए ।
जितपछि मिलान ११ खेलबाट २५ अंक लिएर दोस्रो स्थानमा यथावत छ ।