लन्डन (एजेन्सी) – इंग्लिस क्लब म्यानचेस्टर सिटीका प्ले मेकर केभिन डि ब्रुयन चोटका ६ साता मैदान बाहिर रहने भएको छ । कारवाओ कप अन्तरगत बिहिबार राति फुलहमविरुद्ध २–० को जित निकालेका खेलमा ब्रुयनले चोट बोकेका थिए ।

खेल सकिन ५ मिनेट बाँकी रहँदा केभिनले फुलहमका तिमोथी फोसु मेन्साहासँग ठोक्किदै बाया खुट्टामा चोट बोकेका थिए । यो सिजन दोस्रो पटक घाइते भएका ब्रुयनले म्यानचेस्टर डर्बीको खेल गुमाउने पक्का भएको छ । २७ वर्षीय ब्रुयनले दुई महिना अघि प्रशिक्षणकै क्रममा चोट बोकेका थिए ।

ब्रुयनले च्याम्पियन्स लिग अन्तरगत दुई साताअघि साख्तर डोनेक्सविरुद्धको खेलबाट पूनरागमन गरेका थिए । तर, उनको पुनरागमन निकै पीडादायी बन्यो ।

उनले ५ प्रिमियर लिग र २ च्याम्पियन्स लिगका खेल गुमाउनेछन् । उनले साउथह्याम्पटन, साख्तर डोनेक्स, म्यानचेस्टर युनाइटेड, वेस्टह्याम, लियोन, बर्नमाउथ र वाटफोर्डविरुद्धको खेल गुमाउने पक्का भएको छ ।

सिटीका प्रशिक्षक पेप ग्वार्डिओलाले डिसेम्वर ८ मा चेल्सीविरुद्धको खेलमा ब्रुयन तयार हुने बताएका छन् । ‘उनको पहिलो इन्जुरी निकै खतरनाक थियो । उनी हामी दुवै दुःखी थियौं,’ प्रशिक्षकले पेपले भने, ‘यसपटकको इन्जुरी पहिलो भन्दा केही सामान्य इन्जुरी हो । उनले खेलमा छिट्टै पुनरागमन गर्नेछन् । उनी थप बलियो भएर आउनेछ ।’