वर्नली (एजेन्सी) – लन्डन क्लब चेल्सी इंग्लिस प्रिमियर लिग फुटबलमा दोस्रो स्थानमा उक्लिएको छ । प्रिमियर लिग अन्तरगत आइतबार भएको खेलमा बर्नलीलाई ४–० को फराकिलो अन्तरले पराजित गर्दै चेल्सी दोस्रो स्थानमा उक्लन सफल भएको हो ।

चेल्सीले एक खेल कम खेलको म्यानचेस्टर सिटीलाई १ अंकले पछि पार्दै दोस्रो स्थानमा उक्लन सफल भएको हो । लिगको शीर्ष स्थानमा रहेको लिभरपुलको २६ अंक छ । समान खेलबाट चेल्सीले २४ अंक जोड्दै दोस्रो स्थानमा छ । एक खेल कम खेलेको म्यानचेस्टर सिटीको २३ अंक छ ।
बर्नलीको घरेलु मैदानमा चेल्सीलाई जिताउन अल्भेरो मोराटा, रोज बार्क ली र विलियनले गोल गरे । प्रतिस्पर्धात्मक खेलमा चेल्सीले २२औं मिनेटमा मोराटाको गोलबाट अग्रता बनाएको थियो । रोज बार्क लिको वान टच पासलाई मोराटाले डि–बक्सभित्रबाट उत्कृष्ट गोल गरेका थिए ।

पहिलो हाफमा १–० को अग्रता लिएको चेल्सीले दोस्रो हाफमा २ गोल गर्न सफल भयो । ५७ औं मिनेटमा बार्क लि ले गोल गर्दै चेल्सीको अग्रता दोब्बर पारे । एङ्गोलको कान्टेको पासमा तीन डिफेन्डरलाई कटाएर रोजले गोल गरेका थिए । ६२औं मिनेटमा विलियनले गोल थपेपछि चेल्सीले खेलमा ३–० को अग्रता लिन सफल भयो । विलियनले रोजकै पासमा गोल गर्न सफल भएका थिए ।

त्यसपछि इन्जुरी समयमा लफ्टस चिकले गोल गर्दै चेलसीलाई ४–० को फराकिलो जित दिाए ।