म्यानचेस्टर (एजेन्सी)– म्यानचेस्टर युनाइटेडका गोलकिपर डेभिड डे हेयालाई अर्को सिजन कुन क्लब जाने भन्ने विकल्प रोज्न सुविधा रहेको गोर्डन स्ट्राचनले बताएका छन् । स्पेनिस गोलकिपरले युनाइटेडसँग नयाँ सम्झौता गर्छन् गर्दैनन् भन्नेमा आफु निश्चित भएको प्रशिक्षक जोसे माउरिन्होले शुक्रबार बताएका थिए ।

क्लबसँगको डे हेयाको अहिलेको सम्झौता यो सिजनको अन्त्यमा सकिनेछ । यसअघि २७ वर्षै उनी रियल म्याड्रिड जाने चर्चा थियो । तर, रियलले चेल्सीबाट थिबाउट कोर्टुवालाई भित्राएपछि डे हेयाको त्यहाँ जाने सम्भावना लगभग टुंगिएको छ ।

पछिल्लो समय युभेन्ट्सले उनीलाई भित्राउन इच्छा देखाएको छ । यद्दपी डे हेया अर्को सिजन कुन क्लब जान्छन् भन्ने निश्चित छैन । स्कटल्यान्डका पूव प्रशिक्षक स्ट्राचनले जियाले युनाइटेडमा पछिल्लो सात वर्ष उच्च प्रदर्शन गरेको उल्लेख गर्दै अर्को सिजन उनले क्लब छाड्न पर्ने सुझाव दिएका छन् ।

‘उनी कुनै पनि क्लबमा जान क्षमता राख्छन्,’ उनले भने, ‘पछिल्लो केहि वर्षयता उनको प्रदर्शन मानसिक र शारीरिक रुपमा पनि उत्कृष्ट छन् । ‘युनाइटेडले यो सिजन प्रिमियर लिगमा सुखद सुरुवात गर्न सकेको छैन । ९ चरणको खेल सकिदा १४ अंकसहित युनाइटेड अंकतालिकाको १० औं स्थानमा छ ।