स्पेनी क्लब मार्बेला युनाइटेड एफ सीको यु १९ टोलीले मैत्रीपुर्ण खेलमा पि.इ.सी ज्वलको सामना गर्दैछ ।नेपाली खेलाडीहरु अनन्त तामाङ्ग र अन्जन विष्ट केहि दिन अघि मात्र त्यहाँ पुगेका भएपनि आज उनिहरु खेल्न सक्ने सम्भावना रहेको छ। 

राष्ट्रिय टोलीका सदस्यद्वय अन्जन बिष्ट र अनन्त तामाङ्ग फाल्गुन २९ गते  मार्बेल्ला युनाईटेड क्लबबाट मैत्रीपूर्ण खेल तथा प्रशिक्षणक लागि युरोप गएका थिए ।

आजको खेल नेदरल्यान्डको पहिलो डिभिजनको क्लब पि.इ.सी ज्वलको यु१९ टोलीविरुद्ध स्थानिय समयानुसार साँझ ८ बजे खेलिने छ।  यो खेलपछि मार्बेला जर्मनि प्रस्थान गर्ने कार्यक्रम रहेको छ| जर्मनिमा पनि विभिन्न क्लबहरुसंग मैत्रिपुर्ण खेलहरु तय भएको क्लबले जनाएको छ।

डिफेन्डर अनन्त र विंगर अन्जन बंगबंधु गोल्डकप र १२औं सागमा स्वर्ण पदक जित्ने टोलीका महत्वपूर्ण सदस्य थिए| सशस्त्र प्रहरी बलको टोलीबाट फुटबल खेल्दै आएका अन्जनले बिराटनगरमा भएको के.बि.आर.यु. गोल्ड कप जितेका थिए भने अनन्तले मनाङ्गबाट खेल्दै बुढासुब्बा गोल्ड कप र आहा! रारा गोल्ड कप जितेका थिए |

मार्च १३३० सम्म हुने मैत्रीपूर्ण खेलहरु खेल्ने छन् भने अप्रिल महिना प्रशिक्षणमा बिताउने छन् | बिमल घर्ति मगर भने चोटका कारण केहि हप्तापछिमात्र त्यसतर्फ प्रस्थान गर्नेछन् |