क्याटलान (एजेन्सी) – युइएफए च्याम्पियन्स लिग अन्तर्गत बुधबार क्याटलान क्लब बार्सिलोनाले इटालियन क्लब इन्टर मिलानको सामना गर्दैछ । खेल बार्सिलोनाको घरेलु मैदान क्याम्पनोउमा राति १२ः४५ बजेपछि शुनेछ ।

चोटका कारण इन्टरविरुद्धको खेलमा कप्तान लियोनेल मेस्सी उपलब्ध हुनेछैनन् । मेसीले शनिबार स्पेनिस ला लिगा अन्तर्गत सेभिल्लाविरुद्धको खेलमा हातमा चोट बोकेका थिए । उनी करिव तीन साता मैदान बाहिर रहनेछ । दुई खेलको समाप्तिमा बार्सिलोना समूह ‘बी’ को शीर्ष स्थानमा रहेको छ । आफ्नो शीर्षतालाई यथावत राख्न पनि बार्सिलोना इन्टरलाई पराजित गर्ने लक्ष्यका साथ मैदान उत्रनेछ । बार्सिलोनाले टोटेनहम र पीएसभीलाई पराजित गरिसकेको छ ।

यता, इन्टर मिलानले पनि यसअघि दुवै खेलमा जित हात पारेको छ । इन्टरले पनि टोटेनहम र पीएसभीलाई नै पराजित गरेको थियो । दुवै टोली अपराजित रहँदै दोस्रो चरण छनोटका लागि बलियो दावेदारी पेस गर्नेछ । बार्सिलोनाले पछिल्ला पाँच खेलमध्ये समान २–२ खेलमा जित र बराबरीको नतिजान निकाल्दा एक खेलमा हार बेहोरेको छ । यता, इन्टरले पछिल्ला सबै पाँच खेलमा शतप्रतिशत जित निकालेका कारण पनि बार्सिलोनालाई पराजित गर्ने लक्ष्यमा हुनेछ ।

खेलको जानकारीः

खेलः बार्सिलोना विरुद्ध इन्टर मिलान

प्रतियोगिताः युइएफए च्याम्पियन्स लिग

मितिः अक्टोबर २४, २०१८ बुधबार

समयः नेपाली समयअनुसार मध्यरात १२ः४५ बजे (बिहिबार विहान)