एजेन्सी – बायर लेभरकुसनका युवा विंगर लियोन बेलीलेराष्ट्रिय टोलीमा नाम आउनका बाबजुद पनि डेब्यु गर्न अस्विकार गरेका छन् ।

लामो समयदेखि बेलीले अनेक व्यवधानपश्चात जमैकाको राष्ट्रिय टोलीबाट डेब्यु गर्न लागेका थिए । तर खेल्नका लागि राष्ट्रिय टोलीमा नाम आइसक्दा पनि उनले डेब्यु गर्न मानेनन् । कारण थियो उनको मागअनुसार जुम्ल्याहा भाइ काइल बटलरलाई राष्ट्रिय टोलीमा नबोलाउनु । २१ वर्षीय बेली जमैका, जर्मनी र बेल्जियमबाट खेल्न योग्य छन् ।

बेलीले भाइ काइललाई पनि जमैकाको राष्ट्रिय टोलीमा समेटे मात्र आफू पनि खेल्ने बताएका थिए । उनका भाइ अस्ट्रियाको जुनियर्स ओओ क्लबबाट खेल्ने गर्छन् । राष्ट्रिय टोलीबाट खेल्न काइलले ट्रायल दिनुपर्ने बताएपछि बेली रुष्ट भएका हुन् । बेलिले बेलीले पूर्वसहमति अनुसार काम नगरेको भन्दै खेल्न अस्विकार गरेको बताएका छन् ।

‘म जमैकाको राष्ट्रिय टोलीबाट खेल्न इच्छुक भएर यहाँ आएको हुँ । यहाँ आउनुअघि केहि सहमति भएको थियो । तर संघको तर्फबाट कार्यान्वयन नभएपछि मैले खेल्न चाहिंन,’ बेलिले भने, ‘ यदि मेरो माग पूरा हुन्छ भने म खेल्न तयार छु । म आफ्नो राष्ट्रका लागि खेल्न इच्छुक छु ।’

बेलीले नोभेम्बर १७ मा सुरिनामविरुद्ध हुने खेलमा डेब्यु गर्ने सम्भावना छ । त्यसका लागि उनले काइललाई पनि टोलीमा राख्नुपर्ने बताएका छन् । ‘ म हार्न चाहन्न । मैले राम्रो खेल्न र टोलीले जित्न आफू अनुकुल साथी चाहिन्छ । यसै नयाँ टोलीबाट खेलेर जित्न सकिन्न । मेरो वरपर आफुले बुझ्ने खेलाडी भए मात्र खेल्न सहज हुन्छ,’ उनले भने ।