(एजेन्सी) – अन्तर्राष्ट्रिय मैत्रीपूर्ण खेलमा एसियन राष्ट्र कतारले दक्षिण अमेरिकी इक्वेडरलाई पराजित गरेको छ । कतारले घरेलु मैदानमा ९ खेलाडीमा समेटिएको इक्वेडरमाथि ४–३ को जित निकालेको हो ।

कतारको जितमा अल्मोइज अलीले २ तथा अक्रम अफिफ र हसन अल हाइडोजले समान १ गोल गरे । इक्वेरका इनर भ्योलेन्सियाले २ तथा जोसे सेभालसले गोल गरेपनि हार टार्न सकेन । शुक्रबार राति भएको खेलमा घरेलु टोलीले खेलको ३२औं मिनेटमा अक्रम अफिफको गोलबाट अग्रता बनाएको थियो । त्यसको चार मिनेटपछि नै अल्मोइज अलीले गोल गर्दै टिमको अग्रता दोब्बर पारेको थियो ।

पहिलो हाफमा २–० को अग्रता लिएको कतारले दोस्रो हाफमा पनि गोल गर्ने क्रम जारी राख्यो । हसन अल हाइडोजले गोल गरेपछि कतार ३–० ले अघि बढेको थियो । ६६औं मिनेटमा इनर भ्यालेन्सियाले गोल गर्दै इक्वेडरलाई खेलमा फर्काउने संकेत दिएका थिए । तर, त्यसको एक मिनेट नबित्दै अल्मोइज अलीले गोल गर्दै कतारको अग्रता ४–१ मा पु¥याएको थियो । ७०औं मिनेटमा इनर भ्यालेन्सियाले दोस्रो गोल गर्दै खेललाई ४–२ को स्थितिमा ल्याएका थियो ।

त्यसपछि इक्वेडरका फ्रिक्सन इराजो रातो कार्ड खादै मैदान बाहिरिएको थियो । १० खेलाडीमा समेटिएपनि इक्वेडरले कतारलाई दवावमा राख्दै एक गोल थप्न सफल भयो । जोस सेभालसले ८९औं मिनेटमा गोल गरेका थिए । तर, त्यो इक्वेडरको हार टार्न पर्याप्त भए । ९०औं मिनेटमा इनर भ्यालेन्सियाले पनि रातो कार्ड खाएपछि इक्वेडर ९ खेलाडीमा समेटियो । त्यसपछि दुवै टोलीले गोल गर्न नसक्दा कतार ४–३ ले विजयी हुन सफल भयो ।