लिभरपुल (एजेन्सी) – रियाद माहरेजले खेलको अन्तिम समयतिर पेनाल्टीमा गोल गर्न नसक्दा म्यानचेस्टर सिटीले प्रिमियर लिगको शीर्ष स्थानमा अधिपत्य जमाउने मौका गुमाएको छ ।

आइतबार लिभरपुल र म्यानचेस्टर सिटीको खेल गोलरहित बराबरीमा टुंगिएको हो । सिटीले यसै सिजनको सुरुआतमा ६ करोड पाउण्ड तिरेर भित्र्याएका मिडफिल्डर माहरेजले ८५ औं मिनेटमा प्राप्त पेनाल्टी पोस्टभन्दा धेरै माथि प्रहार गरेका थिए । डिफेन्डर भर्जिल भान डाइकले लेरोय सानेलाई पेनाल्टी क्षेत्रभित्र लडाएपछि सिटीले पेनाल्टी प्राप्त गरेको थियो ।

पछिल्लो सिजन सिटीले घरेलु मैदानमा ५-० को सहज जित दर्ता गर्दै अवे मैदानमा ४-३ ले पीएसजी जितेको थियो । तर यसपटक दुवै टोली आक्रामक रुपमा सफल हुन सकेनन् । सिटीको प्रदर्शन तुलनात्मक रुपमा केहि राम्रो देखिएपनि नतिजामुखी भने हुन सकेन । सिटीले राखेको ५१ प्रतिशत बल पोसेसन प्रिमियर लिगमा सिटीको सबैभन्दा कमजोर प्रदर्शन रहयो ।

लिगको आठौँ खेलसम्म आइपुग्दा सिटी र लिभरपुलसँगै चेल्सी पनि अपराजित नै छ । तीनै क्लबको समान २० अंक छ र चेल्सी गोलअन्तरका आधारमा शीर्ष स्थानमा छन् । पेप गुआर्डीओलाले योर्गेन क्लोपविरुद्ध पछिल्ला ८ खेलमा १ खेलमा मात्र जित दर्ता गरेका छन् ।