6 years ago
October 6, 2018
लन्डन (एजेन्सी) – युभेन्टसका स्टार क्रिस्टियानो रोनाल्डो र बार्सिलोनाका फरवार्ड लियोनल मेस्सीबीच धेरैजसो च्याम्पियन्स लिगका किर्तिमानहरु बाँडिएका छन् ।
रोनाल्डो र मेस्सी यस शताब्दीका दुई उत्कृष्ट खेलाडी हुन् र अधिकांश किर्तिमान रोनाल्डो वा मेस्सीको नाममा छ। तर आज हामी फुटबलका यी दुई महारथीको नाममा नरहेको ५ किर्तिमान हेर्छौँ ।
युरोपियन कपको फाइनलमा सबैभन्दा धेरै गोल अल्फ्रेडो दी स्टेफानो र फेरेन्स पुस्कासको नाममा छ। उनीहरुले युरोपियन कपको फाइनलमा ७ गोल गरेका छन् । दुवै खेलाडी रियल म्याड्रिडबाट खेल्दथे । रोनाल्डोले च्याम्पियन्स लिगको फाइनलमा ४ गोल गरेका छन् भने मेस्सीले जम्मा २ गोल गरेका छन् ।
अल्फ्रेडो दी स्टेफानो र फेरेन्स पुस्कास(दाँया )
युरोपा लिग र च्याम्पियन्स लिग गरेर सर्वाधिक खेल खेल्ने खेलाडी स्पेनका गोल किपर इकर क्यासिलास हुन् । उनले १ सय ७२ खेल खेलेका छन्। रोनाल्डो दोस्रो स्थानमा छन् । उनले १ सय ५८ खेल खेलेका छन् भने मेस्सीले १ सय २८ खेल खेलेका छन् ।
क्रिस्टियानो रोनाल्डोले दुई क्लबबाट च्याम्पियन्स लिगको उपाधि जितेका छन् । म्यानचेस्टर युनाइटेडबाट सन् २००८ मा च्याम्पियन्स लिग जितेका उनले रियलबाट २०१४, २०१६, २०१७ र २०१८ मा उपाधि जितेका छन् । मेस्सीले भने खेल जीवन बार्सिलोनाबाट मात्र बिताएका छन् । उनले ४ पटक बार्सिलोनाबाट च्याम्पियन्स लिगको उपाधि जितेका छन् ।
तर सर्वाधिक भिन्न क्लबबाट उपाधि जित्ने किर्तिमान क्लारेर्न्स सिडोर्फको नाममा छ । उनले १९९५ मा आयक्स, १९९८ मा रियल म्याड्रिडबाट र मिलानबाट २००३ र २००७ मा उपाधि जितेका हुन् । यसै सिजन युभेन्टस पुगेका रोनाल्डोलाई सिडोर्फको यस किर्तिमान बराबरी गर्ने अवसर छ ।
पाओलो माल्डिनीले ३६ वर्ष र ३ सय ३३ दिनको उमेरमा लिभरपुलविरुद्ध २००५ मा गोल गर्दा उनि च्याम्पियन्स लिग फाइनलमा गोल गर्ने सबैभन्दा जेठा खेलाडी भएका थिए । रोनाल्डोलाई यो किर्तिमान तोड्न २०२१/२२ को च्याम्पियन्स लिग फाइनलसम्म कुर्नुपर्ने हुन्छ । त्यस्तै मेस्सीले २०२३/२४ फाइनलमा मात्र यो उमेर पार गर्नेछन् ।
यसै सिजन पिएसभीविरुद्ध ह्याट्रिक गर्दै मेस्सीले रोनाल्डोलाई च्याम्पियन्स लिगमा सर्वाधिक ह्याट्रिक गर्ने किर्तिमानमा उछिने । उनको नाममा ८ ह्याट्रिक रहेको छ । तर सबै भन्दा छिटो ह्याट्रिक गर्ने किर्तिमान भने रोनाल्डो र मेस्सी दुवैको नाममा छैन । यो किर्तिमान बाफेटिम्बी गोमिसको नाममा छ । २०११ मा डाइनामो जाग्रेब र ओलम्पिक लियोनिसबीचको खेलमा गोमीसले ८ मिनेटमै ह्याट्रिक गर्दै किर्तिमान रचे । मेस्सीको नाममा सबैभन्दा छिटोमा २२ मिनेटको ह्याट्रिक छ भने रोनाल्डोको नाममा १२ मिनेटको ह्याट्रिक छ ।
गोमीस (दाँया)
February 2, 2025
पोखरा (हाम्रो खेलकुद) – आहा!रारा पोखरा गोल्डकप फुटबल प्रतियोगिताको २४ औं संस्करणको सबै तयारी पूरा भएको छ। आयोजक सहारा क्लब पोखराले आइतवार पत्रकार सम्मेलनमार्फत तयारीको बारेमा जानकारी गराएको छ। सोही अवसरमा आहा रारा गोल्डकपको ट्रफी, व्यक्तिगत अवार्ड र आयोजकले गोल्डकपमा प्रयोग गर्ने जर्सी सार्वजनिक गरिएको थियो। प्रतियोगिता मंगलवार पोखरा रंगशालामा सुरु हुनेछ। उद्घाटन खेल आयोजक र […]
February 2, 2025
एजेन्सी- स्पेनिस ला लिगामा रियल म्याड्रिडले शनिवार स्तब्ध भएको छ। इस्पनयोलले रियललाई १-० पराजित गरेको छ। इस्पनयोलका लागि कार्लोस रोमेरोले ८५ औं मिनेटमा गरेको गोल रियललाई हराउन पर्याप्त रह्यो । शीर्ष स्थानको रियलले अंक अन्तरलाई बढाउने मौका गुमाएको छ । रियलको ४९ अंक छ। रेलिगेसनबाट बच्न संघर्षरत इस्पनयोललाई राहत मिलेको छ । शनिवार नै एटलेटिको […]
February 2, 2025
एजेन्सी – मोहमद सलाहको २ गोलमा शीर्षस्थानको लिभरपुलले इंग्लिस प्रिमियर लिगमा बर्नमाउथलाई शनिवार २-० ले हराएको छ । ३० औं मिनेटमा पेनाल्टीमा गोल गरेका सलाहले अर्को गोल ७५ औं मिनेटमा गरेका थिए । प्रिमियर लिगमा सलाह उच्च गोलकर्ता सूचीको छैटौं स्थानमा उक्लेका छन् । उनले चेल्सीका पूर्व स्टार फ्रान्क लाम्पार्डलाई पछाडि पारेका छन् । लिगमा […]
