साफ यु–१८ महिला च्याम्पियनसिपः फाइनल प्रवेशका लागि नेपालले भारतसँग खेल्दै

काठमाडौं (हाम्रो खेलकुद) – भुटानमा जारी साफ यु–१८ महिला फुटबल च्याम्पियनसिपमा आज सेमिफाइनलका दुवै खेल हुदैछ । पहिलो सेमिफाइनलमा नेपालले उपाधिको दावेदार भारतसँग खेल्दैछ ।

खेल थिम्पुस्थित चाम्लिङथाङ रंगशालामा दिउसो ३ः१५ बजेपछि खेल शुरु हुनेछ । नेपालले भारतलाई पराजित गर्दै च्याम्पियनसिपको फाइनमा पुग्ने लक्ष्यमा हुनेछ । नेपाली टोलीका प्रशिक्षक हरिओम श्रेष्ठले यसअघि नै टिमका लक्ष्य उपाधि जित्ने रहेको बताएका थिए । तर, भारतविरुद्धको खेल नेपाललाई निकै गाह्रो हुनेछ । यता, भारत पनि नेपालाई सहजै पराजित गर्दै फाइनल पुग्ने लक्ष्यमा हुनेछ । नेपाल समूह ‘बी’ को उपविजेता बनेपछि सेमिफाइनलमा भारतसँगको भेट पक्का गरेको थियो । भारत समूह ‘ए’ को विजेता हो । नेपालले समूह चरणको पहिलो खेलमा पाकिस्तानमाथि १२–० को सहज जित निकाल्दा बंगलादेशसँग २–१ ले पराजित भएको थियो ।
शुक्रबारै आयोजक भुटानले उपाधिको प्रवल दावेदार बंगलादेशसँग साँझ ६ः४५ बजे प्रतिस्पर्धा गर्नेछ ।