एजेन्सी – युरोपा लिग अन्तर्गत बिहीबार राती ठूला टोलीहरुले फराकिलो जित दर्ता गरेका छन् । दोस्रो चरणको खेल समाप्त भएसँगै समूहको समीकरण पनि तयार हुन थालेको छ ।

समूह ‘ए’ मा बायर लेभरकुसनले एइके लामाकालाई ४-२ ले पराजित गर्यो । एफसी ज्युरीचले लुडोगोरेट्सलाई १-० ले हरायो । समूह ‘बी’ मा आरबी लाइप्जिगले रोजेन्बर्ग तथा साल्ज्बर्गले सेल्टिकलाई समान ३-१ को स्कोरमा पराजित गरे । समूह ‘सी’ मा बोर्डोले कोपन्हेगनलाई २-१ ले हराउँदा जेनिटले स्लाभिया प्रागलाई १-० ले पराजित गर्यो ।

समूह ‘डी’ मा डिनामो जाग्रेबले आन्द्रेलेक्ट तथा फेनेरबासेले स्पार्टाक त्रानाभालाई २-० को स्कोरले नै हराए । इंग्लिस क्लब आर्सनलले काराबागलाई ३-० ले हरायो । स्पोर्टीङ लिस्बनले भोर्स्क्लालाई २-१ ले पाखा लगायो । एसी मिलानले ओलाम्पियाकोस लाई ३-१ ले तथा रियल बेटिसले डुडेलान्जलाई ३-० ले पराजित गरे ।

रेंजर्सले रापिड वेनलाई ३-१ ले हराएको समूहमा स्पार्टाक मस्को र भिलारियलको खेल ३-३ को बराबरीमा सकियो । अपोलोन लिमासोल र मार्सेले २-२ को बराबरी खेले । फ्रान्कफर्टले लाजियोलाई ४-१ को अन्तरले पराजित गर्यो । माल्मोले बेसिक्टासलाई २-० ले हरायो भने सार्प्सबोर्गले जेन्कलाई ३-१ ले पाखा लगायो ।

सेभिल्ला क्राजोन्डारसंग २-१ ले हार्दा स्टान्डर्ड लिएजले अखिसर्स्पोरलाई २-१ ले नै पराजित गर्यो । अस्तानाले रेनेसलाई २-० ले हरायो । जाब्लोनेक र डिनामोकिएभ २-२ को बराबरीमा रोकिए । पाओकले बाटेलाई ४-१ ले हरायो भने चेल्सीले भिडीमाथि १-० को जित दर्ता गर्यो ।